2 Samueu 23:15 - Ritonõpo Omiry: A Bíblia Sagrada na língua Aparai do Brasil

¹⁵ Mame typenetase Tawi tuna poko tõkurume, ynara tykase ynororo: — Tuna sehxo hano, jokurume pixo pẽkamã poe, Perẽ omõtoh myhto. Yrome enehne pyra, myhene, tykase.

2 Samueu 23:15 ပူးပေါင်းရင်းမြစ်များ

Jenexi 35:19

Moro sã toorihse Rakeu, ekepyry tonẽse Epyrata esemary ehpio. Imeĩpo Perẽme toehse moro pata.

2 Samueu 23:16

Morara kary etaryke tyya xine, oseruao soutatu tõ, orẽpyra exiketõ toytose pirixteu tõ esary rãnakuroko, tuna anỹse pẽkamae enehtohme Tawi a. Yrome moro tuna onẽpyra Tawi nexiase, tukuãse rokẽ eya nono pona, tynekaroryme Ritonõpo a.

1 Koronika 11:17

Mame tõkurume tuna poko typenetase Tawi. Ynara tykase ynororo: — Tuna pitiko sehxo hano pẽkamã poe, Perẽ omõtoh myhto. Yrome enehne pyra myhene, tykase.

Saumu 119:81

Tapotũkehse ase, ypynanopyry eraximary poko oya; õmihpyry zae ehtoh enetupuhnõko ase.

Saumu 63:1

Ritonõpo, Jesẽme mase; oẽpataka jytory sehxo hano. Opoko penetãko ase amaro jehtohme; tutunazehnase exikety samo, nono tonore exikety samo tuna pyra ahtao.

Izaja 41:17

“Mame ypoetory tõ etuarimaryhtao tuna zupiryhtao tutunazehnase toexirykõke, yrome onenepyra; esenary tonore toehse ahtao tuna se toexirykõke, ywy, Ritonõpo toto omiry etãko ase, ywy, Izyraeu tõ Esẽ jũme toto onurumekara exĩko ase.

Izaja 44:3

Konopo enehpõko ase ona tonorẽ po, iporiry tõ rĩko ase serere katohme nono tonorẽ poro. Moro saaro Juzenu kuãnõko ase opoenõ pona, apakõ pona roropa, kure ehtoh ekarõko roropa ase apakomo a.

João 4:10

Ynara tykase Jezu eya: — Ritonõpo nekarory onenetupuhpyra mase. Jenetupuhpyra roropa mase. Tonetupuhse oya jahtao: “Oya hko tuna se ano,” mykary ya. Mame tuna kurã ekarory oya soesoekane panõ ekarory oya, orihpyra oehtohme jũme, tykase Jezu nohpo a.

João 4:14

Yrome ynekarohpyry enyryhtao oya tuna se pyra ropa mase exĩko jũme. Ynara exiryke, ynekarohpyry oya soesoekane sã exĩko okurohtao mana. Moro pokoino orihpyra exĩko matose jũme, tykase Jezu eya.

João 7:37

Toipe juteu tõ otuhtoh konõto etyhpyry yronymyryme. Moroto towõse Jezu xikihme toto zurutohme opore. — Tuna se awahtao xine osehtoko. Tuna ẽtokose ya.