2 Samueu 22:7 - Ritonõpo Omiry: A Bíblia Sagrada na língua Aparai do Brasil

⁷ Typoremãse jahtao, tykohtase ywy Ritonõpo a: — Kuakorehmako myhene! ase eya. Tytapyĩ tae jomiry totase eya; yxitary totase eya rahkene.

2 Samueu 22:7 ပူးပေါင်းရင်းမြစ်များ

Saumu 107:6

Mame toetuarimarykohtao tykohtase toto Ritonõpo a takorehmatohkõme, mame typynanohse ropa toh nexiase eya aetuarimatohkõ winoino.

Saumu 116:4

Mame Ritonõpo tykohmase ya: “Ajohpame sã kypynanohko, Ritonõpo, orihpyra jehtohme!”

Saumu 120:1

Popyra ehtoh toehse ahtao ya, Ritonõpo Kuesẽkõ tykohmase ya, jomiry totase eya.

Saumu 18:6

Typoremãse jahtao, tykohtase ywy Ritonõpo a: “Kuakorehmako myhene!” ase eya. Tytapyĩ tae kapu ao jomiry totase eya, yxitary etase rahkene.

Saumu 27:4

Toiro ekaropoase Ritonõpo a, moro se rokẽ ase eya: Itapyĩ tao jexiry se ase jũme, isene ro jahtao, atãkyematohme kure aexiry poko, zae ehtoh poko ekaropotohme eya.

Saumu 34:6

Takorehmaneke pyra jahtao tykohtase ywy; totase Ritonõpo a, mame typynanohse ywy eya yyryhmatoh tonõ poe emero.

Exutu 3:7

Mame ynara tykase Ritonõpo: — Ypoetory tõ tuarimapory tonese ya Ejitu põkomo a. Toto omiry totase roropa ya typynanohnekõ ekaropory, toto rohmanohponanõ pokoino. Zuaro ase toto etuarimary poko.

Jona 2:4

Jũme tomase tõsekarose ywy owinoino, myame roropa, Atapyĩ kurã onenepyra ropa jehtohme.

Jona 2:7

Orihsasaka jahtao, wenikehpyra opoko exiase, Ritonõpo, oturuase oya, mame kuetase Atapyĩ kurã tao awahtao.

Apakuke 2:20

Ritonõpo Tytapyĩ Kurã tao mana. Ah emero porehme mynyhme nexĩ toto ẽpataka.

Ruka 22:44

Morarame sam tykase Jezu tukurohtao. Yronymyrymehxo tõturuse Ritonõpo a ynororo. Munume tonãkutase ynororo toemynyhmaryke. Pitahtykase enãkuru nono pona.

Epereu 5:7

Morarame Jezu sero nono po tahtao, tõtururuhtao sam tykase Ritonõpo neneryme. Tãtasamase roropa ynororo yronymyryme. Ipynanopyry waro Jumy, orihpyra aehtohme. Mame typoko epyrypara Jezu exiryke, Tumy omipona roropa exiryke, aomiry totase Ritonõpo a.

Tiaku 5:4

Yrome opoetorykõ mã okerekerematorỹko, zae toerohtopõpyrykõ onepehmara oexirykõke. Otupikõ poko erohketõ xitary etãko Ritonõpo Jamihmehxo Exikety mana, zae pyra topehmase toto exiryke oya xine.