2 Samueu 22:51 - Ritonõpo Omiry: A Bíblia Sagrada na língua Aparai do Brasil

⁵¹ Tuisame imehxo jyrĩko Ritonõpo mana, tynymenekahpyry pyno exikehpyra mana; Tawi hkotano, ipoenomo, ipakomotyã jũme toto pyno exikehpyra mana.

2 Samueu 22:51 ပူးပေါင်းရင်းမြစ်များ

2 Samueu 22:2

Ritonõpo jewomaneme mana, Topu konõto, ytapyiny jamihme exikety, ypynanohneme roropa.

2 Samueu 23:1

Ynara Tawi, Jese mũkuru omihpyry etyhpyrymano; Ritonõpo nymenekahpyryme nexiase tuisame aehtohme Izyraeu tõ esẽme. Eya eremiatoh tyrise kurã ke Izyraeu tõ eremiatohme. Ynara tykase ynororo:

2 Samueu 7:16

Yrome atapyĩ taõkõ jũme exĩko, tuisame oehtoh roropa enahpỹme exĩko, jũme yneneryme.’ ”

Saumu 144:10

Omoro mase tuisa tõ pynanohneme, Tawi ewomaneme mase onetapara imehnõ ehtohme.

Saumu 18:50

Tuisame orẽpyrahxo jyrĩko Ritonõpo mana. Tynymenekahpyry pyno exikehpyra mana; ywy Tawi pyno mana, ypoenomo, ypakomotyã roropa, jũme yna pyno exikehpyra mana.

Saumu 21:1

Ritonõpo, tãkye mã tuisa, eya ajamitunuru mekaroase exiryke; atãkyemãko mã ynororo, opoe topetõkara typoremãkase exiryke eya.

Saumu 3:3

Yrome omoro, Ritonõpo, jewomãko mase osewomatoh samo. Orẽpyra jyrĩko mase, imehnõ zuno pyra jyrĩko ropa mase.

Saumu 48:3

Tonepose Ritonõpo a tymaro exiketõ ewomãko mana, tapyi jamihmãkõ tao pata po.

Saumu 89:20

Ypoetory Tawi tymenekase ya tuisame ehtohme typopase ynororo azeite ke ykyryry kurã ke.

Saumu 89:24

Jũme anamonohpyra ase Tawi akorehmary poko, ipyno exikehpyra ase, yjamitunuru ke orẽpyra exĩko mana.

Saumu 89:26

Mame ynara ãko ya mana: ‘Omoro mase papame ya, Ritonõpo Jesemy, topuimome mase ypynanohneme.’

Saumu 89:29

Imeĩpo ipakomotyã tuisame exikehpyra exĩko mã toto, jũme tuisame exĩko enahpyra ro kapu ahtao.

Saumu 89:36

Jũme typakõke exikehpyra exĩko mana, tuisame aehtoh ewomãko ase xixi saereh karyhtao kapu poko.

Saumu 91:2

zae ynara ãko eya mana: “Omoro mase ypynanohne, jewomane roropa. Jesẽme mase, Ritonõpo, oenetupuhnõko ase.”

Jeremia 30:9

Yrome, ywy Ritonõpo, toto Esemy omipona exĩko mã toto, Tawi pary poetoryme roropa exĩko mã toto, ynekarohpyry eya xine toto esẽme.

Apokaripxi 11:15

Mame imepỹ Ritonõpo nenyokyhpyry rue etone, etyhpyrymano. Mame omi opore exiketõ etase kapu ao. Ynara nase toto: — Seromaroro Kuesẽkõ sero nono esẽme toehse rahkene tynymenekahpyry maro. Tuisame exikehpyra mana jũme, nase toto.