2 Samueu 22:4 - Ritonõpo Omiry: A Bíblia Sagrada na língua Aparai do Brasil

⁴ Ritonõpo kohmãko ase jakorehmatohme, ypynanohnõko mana yporemãkapopyra jepetõkara ehtohme. Kuesẽkõ seahmatone!

2 Samueu 22:4 ပူးပေါင်းရင်းမြစ်များ

2 Koronika 20:22

Mame mokaro eremiapitoryhtao Ritonõpo eahmaryhtao Ritonõpo poe tõsetapase toto oxime rokene moapita tomo, amonita tõ maro te, etomita tõ maro roropa. Typoremãkase toto Ritonõpo a.

Neemia 9:5

Mame ahno tykohmase rewita tomo a Ritonõpo eahmatohme. Ynara toh nexiase rewita tomo: Jesua te, Katamieu te, Pani te, Hasapaneia te, Serepia te, Hotia te, Sepania te, Petaia, enara. Ynara tykase toto: “Owõtoko! Ritonõpo Oesẽkõ eahmatoko! ‘Kure mase, Ritonõpo,’ kakehpyra ehtoko jũme. Ah emero sero nono põkõ, ‘Kure mase,’ nykã toto eya, Imehxo aexiryke, eahmary kyya xine ipune pyra ahtao ro.”

Saumu 106:2

Inyrityã kurã tyjamitunuru ke ikuhpỹme nase. Jũme eahmaryhtao kyya xine kure aexiry onymotyẽkara sytatose.

Saumu 116:13

Uwa eukuru jehnahpyry kurã enehnõko ase ynekaroryme Jesemy a, “Kure mase,” katohme eya, typynanohse jexiryke eya.

Saumu 116:17

“Kure mase,” ãko ase ynekaroryme oya, jotururu ekarõko ase roropa oya.

Saumu 116:2

Jomiry etãko mana tykohmaryhtao ya jakorehmatohme.

Saumu 116:4

Mame Ritonõpo tykohmase ya: “Ajohpame sã kypynanohko, Ritonõpo, orihpyra jehtohme!”

Saumu 18:3

Ritonõpo kohmãko ywy jakorehmatohme; ypynanohnõko mana yporemãkara jepetõkara ehtohme. Kuesẽkõ seahmatone!

Saumu 34:6

Takorehmaneke pyra jahtao tykohtase ywy; totase Ritonõpo a, mame typynanohse ywy eya yyryhmatoh tonõ poe emero.

Saumu 48:1

Tuisamehxo Ritonõpo mana, eahmaryme seremiatone ipatary Xião po, esary ypy kurã po.

Saumu 50:15

Kykohmako popyra ehtoh toehse ahtao, opynanohnõko ase, mame jeahmãko mase.”

Saumu 55:16

Yrome Ritonõpo Jesẽ kohmãko ase jakorehmatohme, ypynanohnõko mana.

Saumu 56:9

Okohmaryhtao ya jakorehmatohme, jepetõkara epãko mã toto. Ynara zuaro ase: Ritonõpo ymaro mana.

Saumu 66:2

Oeremiatoko eya, eahmaryme: “Kure mase, Ritonõpo Imehxo,” kahtoko eya.

Saumu 96:4

Tuisamehxo Ritonõpo ehtoh eahmatohme kyya xine mana; imehnõ ritõ tõ motye emero, tuisamehxo mana.

Romanos 10:13

Ynara tymerose Ritonõpo omiryme: “ ‘Papa Kapuaono, kukurãkako,’ kananõ pynanohnõko Ritonõpo mana emero porehme,” ãko.

Apokaripxi 4:11

“Yna esẽ mase Ritonõpo. Emero rihpõme mase. Ritonõpo imehxo mase, ãko ynanase oya emero porehme. Yna tuisary kurã mase. Yna esẽme roropa mase imehxo. Senohne emero tyrise oya okyryryme. Tyriry se oexiryke emero toehse mana. Isene exiketõ roropa toehse,” ãko toto.

Apokaripxi 5:12

Toremiase toto oximõme. Ynara nase toto: “Kaneru mũkuru etapahpyry kure mana. Tuisamehxo mana, tymõkomoke roropa. Zuaro mana. Jamihme kuhse roropa mana. Kure rokẽ oriry se ynanase porehme. Ritonõpo imehxo mase. Kure mase,” nase toto.