2 Samueu 22:3 - Ritonõpo Omiry: A Bíblia Sagrada na língua Aparai do Brasil

³ Ritonõpo jesemy, Topu konõto, imaro otonẽnõko ase. Jewomãko mana osewomatoh ke samo; Ypynanohneme jamihmã mana; jewomaneme yyryhmara imehnõ ehtohme.

2 Samueu 22:3 ပူးပေါင်းရင်းမြစ်များ

Jenexi 15:1

Moromeĩpo tõsenepose Ritonõpo Aparã a, ynara tykase ynororo eya: — Aparã, enaromyra exiko. Oewomãko ase oryhmara oepetõkara ehtohme, kurã ke rokẽ oepehmãko ase.

2 Samueu 22:31

Mose Ritonõpo, kure rokẽ emero tyrĩko mana. Tõmihpyry omipona anamonohpyra mana. Õsewomatohme mana, eya oytorykohtao oewomatohme.

2 Samueu 22:47

Isene Ritonõpo Kuesẽkõ mana! “Kure mase” sykatone jewomane a. Imehxo Exiketyme Ritonõpo mana, Jamihmehxo Exiketyme, sekarotone, ypynanohneme exiryke.

2 Samueu 22:49

typynanohse ywy eya, yzehnotokõ winoino. Omoro, Ritonõpo orẽpyra jyrĩko mase, jepetõkara poremãkatohme ya, jewomãko mase yyryhmary se exiketõ winoino.

2 Samueu 22:51

Tuisame imehxo jyrĩko Ritonõpo mana, tynymenekahpyry pyno exikehpyra mana; Tawi hkotano, ipoenomo, ipakomotyã jũme toto pyno exikehpyra mana.

2 Samueu 23:3

Ritonõpo, Izyraeu tõ esẽ tõturuse, Izyraeu ewomane juruase: Zae ehtoh ke typoetory tõ akorehmaryhtao tuisa a, ise Ritonõpo ehtoh riry poko typoetory tõ akorehmaryhtao eya,

Saumu 14:6

Tymõkomoke pyra exiketõ ise ehtoh kararahnõko popyra exiketõ mana. Yrome mokaro ewomãko Ritonõpo mana.

Saumu 140:1

Ritonõpo Jesemy, kypynanohko popyra exiketõ winoino! Kuewomako jetapary se exiketõ winoino.

Saumu 140:11

Ah imehnõ hxironanõ torẽse nexĩ toto, ajohpe toto ahtao! Ah popyra ehtoh noehno imehnõ etapananomo a, tapoisẽme toto ehtohme, tonahkasẽme roropa toto ehtohme!

Saumu 140:4

Ritonõpo Jesemy, kuewomako popyra exiketõ jamitunuru winoino! Kuewomako jetapary se exiketõ winoino, yporemãkapory se exiketõme mã toto.

Saumu 142:4

Jomye josenuhmaryhtao japotunuru wino jakorehmane enetohme, arypyra, takorehmaneke pyra ase, towomaneke pyra. Ypyno exikety pyra ase.

Saumu 144:2

Jewomaneme mana, jakorehmaneme roropa. Ytapyĩme jamihmã mana, ypynanohne roropa. Enetuputyryke ya imaro osewomãko ase. Imehnõ nonory põkõ poremãkãko mã ynororo, ypoetoryme toto ehtohme.

Saumu 18:2

Ritonõpo ytopũme konõto nase, jeraseme nase, ytapyĩ jamihmano. Ypynanohneme roropa nase, imaro jexiryke yporemãkasaromepyra jepetõkara mana. Ritonõpo Jesemy jewomãko nase tõsewomatohke jehtohme; ytapyĩme nase, imaro enaromyra ase.

Saumu 27:5

Mame popyra ehtoh toehse ahtao jewomãko mana tytapyĩ tao. Jukurãkãko mana Tytapyĩ kurã tao, jewomãko mana kaetoko exikety ao, topu konõto po.

Saumu 28:7

Jewomãko Ritonõpo mana, yjamitunurume roropa mana; Jesẽme enetupuhnõko ase. Jakorehmãko mana; morara exiryke atãkyemãko ase, eremiatoh kurã eremiãko ase Ritonõpo eahmaryme.

Saumu 3:3

Yrome omoro, Ritonõpo, jewomãko mase osewomatoh samo. Orẽpyra jyrĩko mase, imehnõ zuno pyra jyrĩko ropa mase.

Saumu 32:7

Omoro mase jotonẽtohme; jewomãko mase etuarimara jehtohme. Eremiãko ase imehnõ netaryme ypynanohtopõpyry poko oya, towomase jexiryke oya.

Saumu 46:1

Kuewomanekõme Ritonõpo mana, kyjamitunurukõme roropa mana. Ameke pyra exiryke kuakorehmatorỹko mana popyra ehtoh toehse ahtao.

Saumu 46:11

Kuesẽkõ Jamihmehxo Exikety kymaro xine mana; Ritonõpo Jako Esemy kuewomanekõme mana.

Saumu 46:2

Morara exiryke enaromyra exĩko sytatose, sero nono tykytyky karyhtao ro, ypy tõ epukaryhtao roropa zue aka, tuna konõto kuaka;

Saumu 46:7

Ritonõpo Jamihmehxo Exikety kymaro xine mana; Jako Esemy kuewomanekõme mana.

Saumu 5:12

Ritonõpo, yna Esemy, kure rokẽ mokaro rĩko mase, õmiry omipona exiketomo, kure oehtoh toto ewomãko mana osewomatoh samo.

Saumu 55:9

Ritonõpo, jepetõkara omiry akorekehkako, toto otupitohme. Imehnõ etapary eya xine, osetapary roropa enease pata tõ po!

Saumu 59:16

Yrome eremiãko ase ajamitunuru poko. Tõmehse ahtao eremiãko ase ypyno oehtoh poko. Jewomaneme toehse mase, jesaryme jamihmã mase popyra ehtoh toehse ahtao.

Saumu 61:3

Omoro mase jewomaneme exiryke, jamitu mase, jewomane, ypoko pyra yzehnotokõ ehtohme.

Saumu 71:7

Jenẽko imehnõ mana, tuhkãkomo, osenuruhkãko mã toto, jewomatoh oya jamihme toehse exiryke.

Saumu 72:14

Mokaro pynanohnõko mana irohmanohpotoh winoino te, etaetapatoh winoino roropa; isene toto ehtoh sehxo mana ipunaka.

Saumu 84:11

Ritonõpo Kuesẽkõ kuezurukõme mana, kuewomanekõme roropa. Zae ehtoh poko exiketõ pyno mana. Imehxo toto rĩko mana. Kurãkõ ekarõko roropa eya xine mana.

Saumu 84:9

Ritonõpo, kure rokẽ yna ewomane tyriko, yna tuisary, onymenekahpyry!

Saumu 86:14

Ritonõpo, epyrypaketõ oehnõko ya osetapase. Yzehno exiketõ jetapary se mã toto, õmiry etary se pyra exiketomo.

Saumu 9:10

Ritonõpo yna Esemy, awaro exiketõ oenetupuhnõko mã toto Tosẽkõme, oya ytoketõ atakorehmapotohme, jũme mokaro onurumekara mase.

Saumu 9:9

Tapyi jamihmã sã Kuesẽkõ mana tyyryhmase exiketõ osewomatohme; aetuarimarykohtao toto ewomãko mana.

Exutu 15:2

Jewomane jamihme Ritonõpo mana. Eya typynanohse ywy; Ritonõpo Jesẽme mana, eahmãko ase. Papa Esẽme mana, eremiãko ase, Imehxo Aexiry poko.

Porowepio 18:10

Tapyi jamihmã sã Kuesẽkõ mana, moro taka zae ehtoh poko exiketõ ytõko mã toto tõsewomatohkõme.

Porowepio 30:5

“Ritonõpo omiry emero ajohpe pyra mana. Osewomatohme mana towomanekõme enetupuhnanomo a emero.

Izaja 12:2

Ypynanohneme Ritonõpo mana; enetupuhnõko ase, mame enaromyra ase exĩko. Yjamihtanohnõko Ritonõpo mana, orẽpyra jehtohme. Ypynanohneme mã ynororo.

Izaja 32:2

Ahno ewomãko mã toto tapyi samo konopome ahtao tyryrykane maro; iporiry tõ sã roropa exĩko mã toto nono tonorẽ po, jerutume sã exĩko mã toto topu konõto myhto ona tonorẽ po.

Izaja 45:21

Osekarotoko apiakatoh tao; oturutoko oseya ise awahtao xine. Onoky a tokarose pake, senohne poko? Ywy exiase, Ritonõpo, typoetory tõ pynanohne; imepỹ ritõ pyra mana.

Jeremia 16:19

Ynara tykase ywy: — Ritonõpo Jesemy, Jewomaneme mase, yjamitunuru ekarõko mase ya; jakorehmãko mase popyra ehtoh toehse ahtao ya. Sero nono etyhpyry tõ poe imehnõ ahno oehnõko oya ynara kase: “Yna tamuru tõ tyneponãmarykõ ajohpe rokẽ nae nexiase; tyneponãmarykõ typahsẽme rokẽ nae toh nexiase.

Jeremia 16:9

Etako pahne ywy, Ritonõpo Jamihmehxo Exikety, Izyraeu tõ Esẽ oturũko ase. Tãkye exiketõ kui kary enahkapõko ase, atãkyematoh panaikato otuhtoh poko, pytatoh poko. Sero pata po morohne emero enẽko matose.

Ruka 1:47

— Etakure ase eremiãko. Imehxo mã jesemy, Ritonõpo. Ynororo rokẽ kure mana, ãko ase ukurohtao. Tãkye kuhse ase Ritonõpo poko, ypynanohneme aexiryke. Ypyno mana.

Ruka 1:69

Kypynanohnekõ enehpone kyya xine. Orẽpyra exikety mokyro. Tawi parỹpyryme ynororo.

Ruka 1:71

“Opynanohtorỹko ase opoko xine pyra ozehnotokõ ehtohme. Jamihme ozehnotokõ ahtao ro opynanohtorỹko ase oryhmara xine toto ehtohme.

Teuteronomiu 32:37

Mame typoetory tomo a ekaropõko mana: “Otoko na oneponãmarykomo? Otoko oewomanekõme onenetuputyhpyrykomo?

Teuteronomiu 32:4

Oewomanekõme Ritonõpo mana; kure kuhse inyrihpyry mana, zae rokẽ rahkene. Anamonohpyra mana, azahkuru pyra roropa mana ipunaka.

Teuteronomiu 33:29

Izyraeu tomo, atãkyemãko matose! Imehnõ asã xine pyra mana, ahno typynanohse Ritonõpo Oesẽkomo a. Oewomatohkõme Ritonõpo mana, atapemãkõme roropa mana Oewomanekõme, orẽpyra oritohkõme roropa. Tosekumurukõ po porohnõko oepetõkara mana, osepynanohpõko oya xine. Mame inonorykõ apoĩko matose ononorykõme.

Titu 3:4

Yrome Ritonõpo kukurãkanekõme mana. Kuamorepatose kypyno xine toexiry poko, kure kyrirykõ se toexiry poko roropa.

Titu 3:6

Omomyra Ritonõpo toehse. Tuzenu tokarose kyya xine, toorihse Jezu Kyrixtu exiryke kyyrypyrykõ epehpyryme.

Epereu 2:13

Ynara tykase roropa ynororo: “Ritonõpo, oenetupuhnõko ase,” tykase. “Taro ase ypoenõ maro, moxiã onekarotyã ya,” tykase Jezu.

1 Samueu 2:1

Mame tõturuse Ana Ritonõpo a. Ynara tykase ynororo: Tãkye kuhse ase Ritonõpo poko typynanohse jexiryke eya; inyrihpyry pokoino ehxiropyra ase. Exianãko ase yse pyra exiketõ poko. Tãkye rokẽ ase takorehmase jexiryke Jesemy a.

1 Samueu 2:2

Emero motye kurãme Kuesẽkõ mana. Imepỹ pyra mana, ritõ pyra, ewomane pyra. Kuesẽkõ rokẽ Kuewomanekõme mana.