2 Samueu 22:18 - Ritonõpo Omiry: A Bíblia Sagrada na língua Aparai do Brasil

¹⁸ Ritonõpo a typynanohse ywy jepetõkara jamihme exiketõ winoino, yzehno exiketõ winoino. Mokaro emero ymotye jamihme toh nexiase.

2 Samueu 22:18 ပူးပေါင်းရင်းမြစ်များ

2 Samueu 22:1

Tawi eremiatoh moro, Ritonõpo eahmatohme, typynanohse tahtao, Sauu tõ winoino, imehnõ etapary se exiketõ winoino roropa. Mokaro winoino typynanohse tahtao toremiase ynororo, ynara tykase:

2 Samueu 22:17

Kaino tomary ke Ritonõpo a tapoise ywy. Tanỹse ywy eya zue konõto kuae.

2 Samueu 22:19

Jetuarimaryhtao tõsetapase ymaro toto; yrome Ritonõpo, Jesemy a towomase exiase.

Saumu 3:7

Osehko, Ritonõpo! Kypynanohko Jesemy! Etonãko mase jepetõkara maro; mokaro popyra exiketõ poremãkãko mase, toto jamitunuru enahkapõko mase.

Saumu 35:10

Yronymyryme ynara ãko ase: “Omoro rokẽ mase, Ritonõpo, imepỹ pyra mana asã exikety! Jamihme pyra exiketõ ewomãko mase, toto poko pyra jamihmãkõ ehtohme, tymõkomokãkara ewomãko mase omise exiketõ roropa iiryhmananõ winoino.”

Saumu 56:9

Okohmaryhtao ya jakorehmatohme, jepetõkara epãko mã toto. Ynara zuaro ase: Ritonõpo ymaro mana.

2 Korĩtiu 1:10

Totatotapase yna ahtao orikyĩse ynanexiasene. Yrome Ritonõpo a typynanohse ynanexiase. Yna pynanohnõko ro mana. Naeroro ynoro rokẽ enetupuhnõko ynanase yna pynanohneme. Yna pynanohnõko ropa mana,

2 Timoteu 4:17

Yrome Kuesẽkõ jurumekara ymaro monexiano. Yjamihtanopyase Jezu Kyrixtu poko ekarotohme juteutõkara a. Typynanohse Kuesẽkomo a jexiryke jeatãpyra toh kynexine.