2 Samueu 21:15 - Ritonõpo Omiry: A Bíblia Sagrada na língua Aparai do Brasil

¹⁵ Moromeĩpo pirixteu tõ tõsetapase Izyraeu tõ maro. Typoetory tõ maro toytose Tawi etonase pirixteu tõ maro. Mame osetapary poko tahtao tapotũkehse Tawi.

2 Samueu 21:15 ပူးပေါင်းရင်းမြစ်များ

2 Samueu 21:16

Moroto orutua konõto nexiase pirixteu tõ maro, esety Ixipi-Penope. Tywaratake nexiase ynororo, metau risemy, 5 kirume exikety, tytapema roropa nexiase kasenato ke. “Tawi etapãko ase,” tykase tõsenetupuhse ynororo repe.

2 Samueu 5:17

Morarame Izyraeu tõ tuisaryme Tawi menekatopõpyry waro toehse pirixteu tõ ahtao, tõximõse toto Tawi apoitohme tyya xine repe. Yrome moro poko tuaro Tawi, tyhtose ynororo ãpuruhpyry jamihmã taka.

2 Samueu 5:22

Imeĩpo pirixteu tõ tooehse ropa jakanahmã Ahno konõto pona ropa osesarise ropa.

2 Samueu 5:25

Morara exiryke Ritonõpo omihpyry omipona toehse Tawi, pirixteu tõ taropose eya mya Kepa poe Kezea pona.

2 Samueu 8:1

Moromeĩpo tõsetapase Tawi pirixteu tõ maro, typoremãkase toto eya. Jamihme pyra toto tyripose eya, osetapara toto ehtohme moro nono po.

1 Koronika 20:4

Moromeĩpo tõsetapase ropa Izyraeu tõ pirixteu tõ maro Kezea po. Morara ahtao ahno konõto, esety Xipai, totapase Xipekai, Husa pono a. Mame pirixteu tõ typoremãkapose eya xine.

Saumu 71:18

Seromaroro tamuhpõme ase, jũsety karimutume toehse, jurumekara exiko, Ritonõpo! Ymaro exiko ajamitunuru poko otururuhtao ahno a, imehxo oehtoh roropa ekaroryhtao moxiamo a, ipoenõkomo a ipakomotyamo a roropa.

Saumu 71:9

Jurumekara exiko seromaroro, tamuhpõme toehse jahtao. Wenikehpyra exiko ypoko jamihme pyra toehse jahtao.

Saumu 73:26

Upũ jamihme pyra exĩko josenetupuhtoh roropa, yrome Ritonõpo yjamitunurume mana, ynoro se rokẽ ase tãkye jehtohme.

Ekereziaxti 12:3

Mame ãpory tõ, oewomane tõ tykytyky kapitõko mana, ãxiry tõ roropa jamihme ro mã aporo seromaroro, jamihme pyra exĩko mã kehko. Ozery tõ epukãko mã kehko, tuhke pyra exĩko mã kehko akoĩpyry, tupime exĩko oya õtukuru mana. Oenuru tõ jamihme pyra exĩko mã kehko, tupime imenuru enery exĩko oya mana.