2 Samueu 2:1 - Ritonõpo Omiry: A Bíblia Sagrada na língua Aparai do Brasil

¹ Moromeĩpo tõturupose Tawi Ritonõpo a: — Kure oya jytory pata pona, Juta nonory pona tuisame ehtohme? tykase. — Ỹ ytoko, tykase Ritonõpo. — Oty pona ytõko ha? tykase, tõturupose Tawi. — Eperõ pona, tykase.

2 Samueu 2:1 ပူးပေါင်းရင်းမြစ်များ

Jenexi 13:18

Morarame tãtakimase ropa Aparã ahtao toytose ynororo osesarise wewe kurã pũtokoxi Mãre pona, pata Eperõ pona. Moroto apoto apõ tyrise Aparã a, Ritonõpo eahmatopo.

Jenexi 32:2

Tonese toto ahtao, ynara tykase ynororo tyya rokene: — Sero, Ritonõpo esaryme taro nah? Naeroro moroto tosehpase eya Maanaĩme.

2 Samueu 15:7

Morarame 4me jeimamyry taropose ahtao ynara tykase Apisarão tuisa Tawi a: — Ytoxi Eperõ pona ynekarory zahkatohme jomihpyry ae ro Ritonõpo a.

2 Samueu 2:11

toerohse ynororo Eperõ po 7me jeimamyry zokonaka, Juta tõ esẽme.

2 Samueu 5:19

Naeroro tõturupose Tawi Ritonõpo a, ynara tykase: — Ytõko ha osetapase pirixteu tõ maro? Toto poremãkapõko mah? tykase. — Ytoko! tykase Ritonõpo. — Mokaro ekarõko ase oya, toto poremãkapõko roropa matose, tykase.

2 Samueu 5:23

Tõturupose ropa Tawi Ritonõpo a, mame ynara tozuhse ynororo Ritonõpo a: — Osetapara ehtoko taroino. Mya ytotoko mokaro zomye, wewe amoreira tõ htaka. Mame moino wewe etonie osetapatoko.

1 Tuisa 2:11

40me jeimamyry taropose eya Izyraeu tõ esẽme. 7me jeimamyry taropose eya Eperõ po, 33me jeimamyry taropose eya Jerusarẽ po.

1 Koronika 29:7

Ynara atapona tokarose eya xine Ritonõpo Tapyĩ ritohme: uuru 170 miu kirume te, 10 miume uuru risẽ roropa, 340 miu kirume parata te, 615 miu kirume metau te, kurimene 3.420 miu kirume, enara.

2 Koronika 11:10

Zora po te, Aijarõ po, Eperõ po, enara.

Saumu 143:8

Ẽmepyry ae rokẽ kuruko ropa ypyno oehtoh poko, oenetuputyryke ya ypynanohneme. Oturũko ase oya; zae ehtoh riry poko tuaroh kamexipoko.

Saumu 27:4

Toiro ekaropoase Ritonõpo a, moro se rokẽ ase eya: Itapyĩ tao jexiry se ase jũme, isene ro jahtao, atãkyematohme kure aexiry poko, zae ehtoh poko ekaropotohme eya.

Ezekieu 36:37

Ynara ãko Ritonõpo mana: — Izyraeu tõ otururu etãko ropa ase. Ynara tyrĩko ase eya xine: Jomi poe emãnõko ropa mã toto kaneru tõ samo.

Numeru 13:22

Toytose toto nono ikurenae poro Eperõ pona. Moroto anakĩ tõ nexiase ahno konõto pakomotyamo: Aimã te, Sesai te, Taumai, enara. (Eperõ pata tyrise kynexine osemazuhme, okomino 7me jeimamyry taropose ahtao pata Zoã tyrise Ejitu po.)

Numeru 27:21

Oturukety Ereaza omiry etãko mana ise jehtoh waro ehtohme. Ereaza ise jehtoh waro exĩko mana Urim eneryke eya Tumim maro. Moro ke Jozue amorepãko mana Izyraeu tõ maro ise jehtoh ritohme eya xine emero.

Jozue 15:13

Ritonõpo omihpyry ae ro Jozue toehse, Juta tõ nonory zokonaka tokarose Karepe a, Jepone mũkuru. Naeroro Eperõ tokarose eya Jozue a, Arapa patahpyry, Anake zũ patahpyry.

Juize 1:1

Morarame Jozue toorihse ahtao, Ritonõpo Imehxo Exikety a tõturupose Izyraeu tomo, ynara tykase toto: — Onokãkõ aropory se hma osemazuhme Kanaã põkõ poremãkapose?

1 Samueu 10:22

Morarame tõturupose Ritonõpo a toto. — Mokyro tooehse nae? tykase. — Ỹ tooehse repe, tõtonẽse ynororo mõkomo tõkehko maro, tykase Ritonõpo eya xine.

1 Samueu 23:2

Naeroro tõturupose ynororo Ritonõpo a. Ynara tykase: — Ytõko ha pirixteu tõ poremãkapose? tykase. — Ytoko, tykase Ritonõpo eya, pirixteu tõ maro atatapoita Keira põkõ ipynanohta, tykase Ritonõpo.

1 Samueu 23:4

Naeroro tõturupose ropa Tawi Ritonõpo a. Mame tozuhse ropa ynororo: — Ytoko morotona, Keira pona. Ãkorehmãko ase pirixteu tõ poremãkatohme oya, tykase Ritonõpo Tawi a.

1 Samueu 30:31

Eperõ põkomo a, imehnõ pata tõ põkomo a roropa, emero Tawi epatopõpyry punero, moro põkõ kyryryme, enara.