2 Samueu 19:39 - Ritonõpo Omiry: A Bíblia Sagrada na língua Aparai do Brasil

³⁹ Morarame tuna Joatão takuohse imoihmãkomo a, tuisa Tawi a roropa. Mame Paazirai typohse tuisa a: “Ritonõpo amaro exikehpyra,” tykase ynororo eya. Mame tytapyĩ taka toytose ropa Paazirai.

2 Samueu 19:39 ပူးပေါင်းရင်းမြစ်များ

Jenexi 14:19

Kure rokẽ Aparã tyripose Meukizeteke a, ynara tykase ynororo: — Kure rokẽ Aparã ripõko ase Ritonõpo Imehxo Exikety a, kapu Rihpõme nono roropa Rihpõme mã ynororo.

Jenexi 28:3

Ritonõpo, Jamihmehxo Exikety a, kure rokẽ oripõko ase opoenõ tuhke ehtohme, apakomotyã roropa, tuhke toto ehtohme.

Jenexi 31:55

Yrokokoro towõse ropa Rapão pakeimo, tõxiry tõ typohse typakõ maro. Kure rokẽ tyripose toto eya Ritonõpo a. Mame toytose ropa ynororo tynonory pona ropa.

Jenexi 45:15

Mame ixitaryhtao ro turui tõ toahmase Joze a, typohse roropa toto eya atakenaka. Moromeĩpo tõturupitose toto imaro.

Jenexi 47:10

Kure rokẽ tuisa tyripose Jako a, mame toytose ropa ynororo.

Jenexi 47:7

Imeĩpo tumy Jako tarose Joze a enepotohme tuisa a. Kure rokẽ tyripose ynororo eya.

2 Samueu 13:25

— Arypyra aimo, tykase Tawi. — Yna ytoryhtao emero oerohtoh itamurume exĩko mana, tykase. Tumy tykohmase ropa Apisarão a repe. Yrome toytory se pyra Tawi nexiase. Mame tumũkuru taropose tywinoino kure rokẽ repe.

2 Samueu 14:33

Naeroro toytose Joape oturuse Tawi maro. Moromeĩpo Apisarão tonehpose tyya Tawi a. Tooehse ahtao tosekumuru po typorohse ynororo Tawi ẽpataka “Tuisa imehxo mase,” katohme. Mame typohse ynororo jumy a.

2 Samueu 19:38

— Kimã arõko ase ymaro, tykase Tawi. — Mame ise oehtoh rĩko ase eya, ise oehtoh emero rokẽ tyrĩko ase oya roropa ekaroporyhtao, tykase.

2 Samueu 6:18

Moromeĩpo okyno tõ tyahkakehse ahtao osepeme ehtoh roropa tyahkakehse ahtao, kure imoihmãkõ tyripose eya Ritonõpo Jamihmehxo Exikety a.

2 Samueu 6:20

Mame Tawi toytose ropa tytapyĩ taõkõ kure tyripotohme Ritonõpo a. Mame Mikau Sauu ẽxihpyry tutũtase oseporyse imaro, ynara tykase ynororo eya: — Nuasemã sã mexi seroae, tuisa Izyraeu esemy. Putupyra exikety sã kueneno, ehxiropyra exikety samo, tupoke pyra sã osenepõko ãkorehmananõ poetory nohpo tomo a.

1 Tuisa 19:20

Mame axĩ toky tõ turumekase Eriseu a, tururume toytotohme Eria a: — Ytoxi aporo osekazumase papa tomo a, aja a roropa, toto pohse roropa, moromeĩpo amaro jytotohme, tykase Eriseu. — Kure, ytoko. Ytopyra exiko, kara ase oya, tykase.

Numeru 24:25

Moromeĩpo tãtakimase ropa Paraão toytotohme tytapyĩ taka ropa. Parake roropa toytose ropa.

Ruka 2:34

Morarame ynara tykase Ximeão: — Papa Kapuaono, kure rokẽ moxiã tyriko, tykase ynororo. Mame ynara tykase ynororo Maria a: — Pake mose poeto tymenekase Ritonõpo a. Yrome tuhkãkõ Izyraeu tõ ise pyra exĩko toh mana ipunaka. Naeroro toto enahkapõko Ritonõpo mana. Imeĩpo omoro roropa atasamãko mase. Okurohtao jetũ exĩko mase tapema ke tuohpyry samo. Yrome tuhkãkõ ise exĩko mã toto. Tãkye exĩko mã toto ipoko. Mose pokoino toemynyhmatohke toh exĩko mana, tykase Ximeão Maria a.

Atos 20:37

Morarame tyxitase toto itamurume. Ipymyry ae tapoise ihnamotohme eya xine aytoryke ropa.

1 Tesaronika 5:26

Jezu poetory tõ zuruko. “Pauru ose xine ro mana ipunaka,” kahtoko eya xine.

Ruti 1:14

Mame tyxitase ropa toto yronymyryme. Morarame tõsekazumase Orapa tymerenotỹpyry a. Typohse ynororo eya. Mame toytose ropa ynororo tyekyry tomo a ropa. Yrome Ruti ytopyra kynexine.

1 Samueu 24:22

— Toto onetapara ase, ãko ase oya Ritonõpo netaryme, tykase Tawi. Mame Sauu toytose ropa tytapyĩ taka. Yrome Tawi tõ toytose tõtonẽtohkõ taka ropa.