2 Samueu 19:23 - Ritonõpo Omiry: A Bíblia Sagrada na língua Aparai do Brasil

²³ Mame Ximei a ynara tykase: — Ritonõpo netaryme ynara ãko ase: “Orihpyra mase,” tykase.

2 Samueu 19:23 ပူးပေါင်းရင်းမြစ်များ

2 Samueu 16:10

Yrome ynara tykase Tawi, Apisai a, irui Joape a roropa: — Torẽtyke pyra ehtoko mose poko. Ritonõpo omi poe mose ro ykerekeremaryhtao, aomiry mynyhpãkapory se pyra ase, tykase.

2 Samueu 19:24

Mame Sauu parỹpyry Mepiposete tyhtose roropa Tawi eporyse. Tupupuru onukurikara, osetypokara, tupõ onukurikara toehse toemynyhmaryke tuisa Tawi tũtatopõpyry poe aehtoh pona ropa orẽpyra exiketyme.

1 Tuisa 2:37

Tuaro exiko. Pata poe oytoryhtao, iporiry Keterõ takuohse oya ahtao orihnõko mase. Mame ehxirõko rokẽ mase oya roro zae pyra toehse oexiryke.

1 Tuisa 2:46

Mame tuisa omi poe Penaia toytose Ximei etapase. Naeroro orẽpyra toehse Saromão Izyraeu tõ esemy.

Epereu 6:16

Toipe sytatose. “Ekurehpyra ase,” karyhtao imepyny a kyya xine, ajohpe se pyra kuahtao xine imepỹ imehxo exikety netaryme morara ãko sytatose. Morarame mokyro imehxo exikety pokoino kuomihpyrykõ ae emero tyrĩko sytatose ekurehpyra. Tokurehse kuahtao xine ehxirõko sytatose toipe. Naeroro: “Ekurehpyra ase,” karyhtao imehxo exikety netaryme, oseosezuhpyra exĩko sytatose toipe.

1 Samueu 11:13

Yrome Sauu ynara tykase: — Seroae imehnõ anaorihmapopyra sytatose, Izyraeu tõ typynanohse Ritonõpo a exiryke.

1 Samueu 28:10

Mame tõmihpyry totapose Sauu a nohpo a: — Ritonõpo netaryme ynara ãko ase oya: “Awãnohpyra mã toto sero poko,” tykase.

1 Samueu 30:15

Mame Tawi tõturupose eya. Ynara tykase: — Jaroryh oya nah amarekita tomo a? — Ỹ, tykase ynororo, — õmiry ekaroryhtao ya Ritonõpo netaryme, jetapara oehtohme te, jekaropyra roropa oehtohme jesemy a, enara. Morara ahtao aarõko ase, tykase ynororo.