2 Samueu 18:33 - Ritonõpo Omiry: A Bíblia Sagrada na língua Aparai do Brasil

³³ Moro etaryke tyya toemynyhmase konõto tuisa. Tõnuhse osa taka pata omõtoh epozakoxi xitase. Aytoryhtao xia, mya ropa, tumũkuru hnamõko nexiase. — Umũkuru Apisarão! Umũkuru! Umũkuru Apisarão! Kurehxo joorikyry omyakãme. Aimo Apisarão! Umũkuru! Umũkuru!

2 Samueu 18:33 ပူးပေါင်းရင်းမြစ်များ

Jenexi 21:11

Torẽtyke toehse Aparão morara kary etaryke tyya, Iximaeu tumũkurume roropa exiryke.

2 Samueu 14:1

Morarame Joape, Zeruia mũkuru zuaro nexiase Tawi omuhpe ehtoh poko tumũkuru Apisarão poko.

2 Samueu 19:1

Mame Joape turuse toto a: — Tumũkuru Apisarão ekepyry hnamõko mã tuisa, xitãko mana, tykase toto Joape a.

2 Samueu 19:4

Tõmyty tapuruse tuisa a, tyxitase opore: — Aimo umũkuru! Umũkuru Apisarão! Apisarão umũkuru!

Saumu 103:13

Poetohti tõ zũ typoenõ pyno ehtoh sã kypyno xine Kuesẽkõ mana, aomipona se exiketomo.

Exutu 32:32

Ajohpãme sã iirypyrykõ ikorokako ropa! Mãpyra ikorokary se pyra awahtao, jesety imikako ropa apapẽ poe. Moroto opoetory tõ esetykõ tymerose oya.

Porowepio 10:1

Saromão omihpyry sero: Tuaro ahno mũkuru ahtao, tãkye tumy rĩko mana, yrome putupyra exiketyme imũkuru ahtao atasamãko jẽ mana.

Porowepio 17:25

Ajoajohpe typoenõ ahtao tãkye pyra jũ exĩko mana, jẽ roropa atasamãko mana.

Romanos 9:3

Yronymyryme wekyry tomo a Jezu enetupuhpory se ase Ritonõpo a. “Papa Kapuaono, ameke kyriko Kyrixtu wino, ise awahtao, jũme jetuarimatohme, wekyry tõ kurãkatamitume,” kary se ase Ritonõpo a repe.

Tiaku 5:17

Eria kysã xine ahnome pake. Mame tõturuse ynororo yronymyryme Ritonõpo a. Ynara tykase ynororo: “Konopo onenehpopyra exiko,” tykase. Mame tonehpokehse Ritonõpo a. Oseruao jeimamyry zokonaka konopo oehpyra toehse.