2 Samueu 18:27 - Ritonõpo Omiry: A Bíblia Sagrada na língua Aparai do Brasil

²⁷ Mame ynara tykase enene: — Mokyro apitorymã tururume aytory Aimaa, Zatoke mũkuru ytory sã mana, tykase. — Nuasemã kurã mose ro, tykase Tawi. Omi kurã enehnõko mana, tykase.

2 Samueu 18:27 ပူးပေါင်းရင်းမြစ်များ

2 Samueu 18:26

Morarame imepỹ tonese enene a, tururume oehkety. Apuru erase tykohtase: — Eneko ke! Imepỹ oehnõko axiny! tykase. — Mokyro roropa omi kurã enehnõko mana, tykase tuisa Tawi.

1 Tuisa 1:42

Mame aotururuhtao ro Jonata, Apiataa mũkuru toeporehkase. — Omõko, tykase Atonia eya, — tuaro exiketyme oexiryke. Omi kurã enehneme mase, tykase.

2 Tuisa 9:20

Mokyro erase kae ehtoh tao tõturuse: — Omi arone tõseporyse toto maro yrome oehpyra ropa mana. Ynara tykase roropa ynororo: — Mokaro tuisary tykahu arõko rowohpã samo, Jeu kahu arory sã hkotano!

Porowepio 25:13

Tuna kuenimã sã xixi jetũ ahtao tykyrysã apoitoh toehse ahtao, moro sã omi arone mã zae exiketyme ahtao. Mokyro taropohpõ ãkyemapõko mã ynororo.

Porowepio 25:25

Omi kurã etary moino imepỹ pata poe tuna kuenimã enyry sã mana tutunazehnase awahtao, tapotũkehse awahtao.

Izaja 52:7

Kure kuhse mã omi enehne tururume aepyry eneryhtao ypy tõ kuroko, omi enepyry etonara ehtoh poko, omi kurã kypynanopyrykõ poko! Ynara ãko mana Jerusarẽ põkomo a: “Ritonõpo Oesẽkõ Tuisame mana!” ãko.

Romanos 10:15

Morararo omi kurã onekaropyra toh mana, ekaronanõ anaropopyra tokurehse ahtao. Ynara tymerose Ritonõpo omiryme sero poko: “Kure kuhse mokaro oepyry mana. Omi kurã ekaronanõ oepyry kure kuhse mana,” ãko.