2 Samueu 18:24 - Ritonõpo Omiry: A Bíblia Sagrada na língua Aparai do Brasil

²⁴ Typorohse Tawi nexiase pata omõtoh pota tao, enene tõnuhse apuru pona, zara po kae. Tõsenuhmase ynororo ahtao orutua tonese eya toiroro, tururume oehnõko.

2 Samueu 18:24 ပူးပေါင်းရင်းမြစ်များ

2 Samueu 13:34

Morarame Apisarão toepase. Mame soutatu moroto nexiase eraseme. Tõsenuhmase ynororo. Ahno tonese eya, tuhkãkõ, osema tao, xixi omõtoh wino, yhtõko toh nexiase ypy emory poe. Toytose ynororo Tawi zuruse, ynara tykase: — Orutua kõ yhtõko ypy emory poe osema ae, Horonaĩ poe.

2 Samueu 18:23

— Oty kara. Jytory se rokẽ ase, tykase ropa Aimaa. — Ahtao ytoko, tykase Joape. Mame toytose Aimaa tururume ona poro osema ae. Mokyro Etiopia põ tymotyẽkase eya.

2 Samueu 18:25

Tuisa turuse eya, mame ynara tykase Tawi: — Toiroro ynororo ahtao, omi kurã enehnõko mana, tykase. Moe hkopyra toehse nexiase.

2 Samueu 18:4

— Ahtao, ise oehtohkõ rĩko ase, tykase tuisa Tawi eya xine. Pata tũtatoh po xikihme toehse ynororo, typoetory soutatu tõ tutũtase ahtao, miumãkõ oximaro te, 100mãkõ oximaro, enara.

2 Samueu 19:8

Morara exiryke towõse Tawi, toytose ynororo porohse tapõ pona pata omõtoh pũto. Moro waro soutatu tõ toehse ahtao tõximõse toto ẽpataka. Izyraeu tõ emero toepase toh nexiase tytapyĩkõ taka ropa.

1 Samueu 4:13

Mame Eri nexiase typorohse epehtoh po osema pũto eraximãko. Torẽtyke nexiase, Ritonõpo omihpyry ẽ tarose exiryke ipoenomo a etonatoh pona. Mame mokyro tururume aepyhpyry omiry etaryke pata põkomo a tõserehse toto nexiase, kui kui tykase toto, tyxitaryme.