2 Samueu 18:22 - Ritonõpo Omiry: A Bíblia Sagrada na língua Aparai do Brasil

²² Mame Aimaa tõturuse ropa Joape a: — Ajohpãme sã ytoxi, omi arose roropa, oty kara otara rokẽ toehse ahtao. — Oty katoh oytory se hma aimo? tykase Joape. — Epehpyry anapoipyra mase oytotamitu epehpyryme, tykase.

2 Samueu 18:22 ပူးပေါင်းရင်းမြစ်များ

2 Samueu 18:21

Mame typoetory Etiopia pono a ynara tykase: — Ytoko omoro, tuisa zuruse onenehpyry poko, tykase. Tosekumuru po typorohse ynororo Joape ẽpataka. Mame toytose axiny.

2 Samueu 18:23

— Oty kara. Jytory se rokẽ ase, tykase ropa Aimaa. — Ahtao ytoko, tykase Joape. Mame toytose Aimaa tururume ona poro osema ae. Mokyro Etiopia põ tymotyẽkase eya.

2 Samueu 18:29

— Nuasemã Apisarão kure hnae? tykase tuisa tõturupose. Ynara tykase Aimaa: — Itamurume panaikato totase ya, tuaro pyra aexityã tonese roropa ya repe, yrome tonehpose jahtao soutatu tõ esẽ Joape a, otara toehse zuaro pyra akene.

1 Tuisa 11:22

Ynara tykase tuisa eya: — Oty katohme oytory se ropa hma? Oty onekaropyra exiase oya? Oty pokoino oytory se ropa hma ononory pona? — Arypyra, emero nae ase repe. Jytory se rokẽ ase, tykase Hatate. Naeroro toytose ropa Hatate tynonory pona ropa. Mame Etõ tuisaryme Izyraeu tõ zehno kynexine Hatate. Popyra kynexine.

Romanos 1:28

Ritonõpo poko tuaro toehtopõpyrykõ rumekary se toh kynexine. Morara exiryke turumekase ropa toto Ritonõpo a, kurã poko osenetupuhpyra toto ehtohme, tyyrypyrykõ poko rokẽ toto ehtohme.

Epezu 5:4

Omi rypyry poko pyra ehtoko, popyra exiryke. Ajoajohpe pyra ehtoko. Imehnõ rypyry poko oturunohtao popyra mana ipunaka. Yrome Ritonõpo a, “Kure mase,” kahtoko. Morara kary oya xine kure mana.