2 Samueu 18:21 - Ritonõpo Omiry: A Bíblia Sagrada na língua Aparai do Brasil

²¹ Mame typoetory Etiopia pono a ynara tykase: — Ytoko omoro, tuisa zuruse onenehpyry poko, tykase. Tosekumuru po typorohse ynororo Joape ẽpataka. Mame toytose axiny.

2 Samueu 18:21 ပူးပေါင်းရင်းမြစ်များ

2 Samueu 18:20

— Arypyra, tykase Joape. — Seroae omi kurã anaropyra mase. Imepỹ ẽmepyry ae rokẽ omi arõko mase. Yrome seroae arypyra, toorihse tuisa mũkuru exiryke, tykase.

2 Samueu 18:22

Mame Aimaa tõturuse ropa Joape a: — Ajohpãme sã ytoxi, omi arose roropa, oty kara otara rokẽ toehse ahtao. — Oty katoh oytory se hma aimo? tykase Joape. — Epehpyry anapoipyra mase oytotamitu epehpyryme, tykase.

2 Samueu 18:23

— Oty kara. Jytory se rokẽ ase, tykase ropa Aimaa. — Ahtao ytoko, tykase Joape. Mame toytose Aimaa tururume ona poro osema ae. Mokyro Etiopia põ tymotyẽkase eya.

2 Samueu 18:31

Mame mokyro Etiopia põ tooehse ahtao, ynara tykase ynororo: — Tuisa Tawi, omi kurã enehno oya! Seroae Ritonõpo a oepetõkara typoremãkapose emero porehme, tykase Etiopia pono.