2 Samueu 18:20 - Ritonõpo Omiry: A Bíblia Sagrada na língua Aparai do Brasil

²⁰ — Arypyra, tykase Joape. — Seroae omi kurã anaropyra mase. Imepỹ ẽmepyry ae rokẽ omi arõko mase. Yrome seroae arypyra, toorihse tuisa mũkuru exiryke, tykase.

2 Samueu 18:20 ပူးပေါင်းရင်းမြစ်များ

2 Samueu 18:19

Mame Aimaa Zatoke mũkuru ynara tykase: — Ytoxi axiny, tuisa Tawi zuruse, Ritonõpo a typynanohse aexiry poko epetõkara wino, tykase.

2 Samueu 18:21

Mame typoetory Etiopia pono a ynara tykase: — Ytoko omoro, tuisa zuruse onenehpyry poko, tykase. Tosekumuru po typorohse ynororo Joape ẽpataka. Mame toytose axiny.

2 Samueu 18:27

Mame ynara tykase enene: — Mokyro apitorymã tururume aytory Aimaa, Zatoke mũkuru ytory sã mana, tykase. — Nuasemã kurã mose ro, tykase Tawi. Omi kurã enehnõko mana, tykase.

2 Samueu 18:29

— Nuasemã Apisarão kure hnae? tykase tuisa tõturupose. Ynara tykase Aimaa: — Itamurume panaikato totase ya, tuaro pyra aexityã tonese roropa ya repe, yrome tonehpose jahtao soutatu tõ esẽ Joape a, otara toehse zuaro pyra akene.

2 Samueu 18:33

Moro etaryke tyya toemynyhmase konõto tuisa. Tõnuhse osa taka pata omõtoh epozakoxi xitase. Aytoryhtao xia, mya ropa, tumũkuru hnamõko nexiase. — Umũkuru Apisarão! Umũkuru! Umũkuru Apisarão! Kurehxo joorikyry omyakãme. Aimo Apisarão! Umũkuru! Umũkuru!

2 Samueu 18:5

Mame ynara tykase Tawi typoetory esamo a, Joape a te, Apisai a te, Itai a roropa: — Ypyno awahtao xine, umũkuru Apisarão onetapara ehtoko, tykase ynororo. Moro Tawi nyripory totase soutatu tomo a, esamo a, enara.

2 Samueu 19:1

Mame Joape turuse toto a: — Tumũkuru Apisarão ekepyry hnamõko mã tuisa, xitãko mana, tykase toto Joape a.