2 Samueu 18:19 - Ritonõpo Omiry: A Bíblia Sagrada na língua Aparai do Brasil

¹⁹ Mame Aimaa Zatoke mũkuru ynara tykase: — Ytoxi axiny, tuisa Tawi zuruse, Ritonõpo a typynanohse aexiry poko epetõkara wino, tykase.

2 Samueu 18:19 ပူးပေါင်းရင်းမြစ်များ

2 Samueu 15:27

Mame ynara tykase roropa Tawi Zatoke a: — Ritonõpo maro oturuketyme mase. Ytoko ropa pata pona, torẽtyke pyra, omũkuru Aimaa maro, Jonata, Apiataa mũkuru maro.

2 Samueu 15:36

Toto mũkuru tõ Aimaa, Jonata maro moroto exĩko ma toto. Omi enehpoko eya xine emero rokẽ etaryhtao oya, zuaro jehtohme, tykase Tawi.

2 Samueu 17:17

Jonata tõ Aimaa maro tehme toh nexiase Rojeu tunary po, omihpo enehne eraximãko. Pata põkomo a tõseneporykõ se pyra nexiase toto. Imepỹ poetory nohpo rokẽ toytose toto zuruse, tynetahpyry poko te, tynenehpyry poko roropa, morohne poko toto ytotohme Tawi zuruse.

2 Samueu 18:20

— Arypyra, tykase Joape. — Seroae omi kurã anaropyra mase. Imepỹ ẽmepyry ae rokẽ omi arõko mase. Yrome seroae arypyra, toorihse tuisa mũkuru exiryke, tykase.

2 Samueu 18:23

— Oty kara. Jytory se rokẽ ase, tykase ropa Aimaa. — Ahtao ytoko, tykase Joape. Mame toytose Aimaa tururume ona poro osema ae. Mokyro Etiopia põ tymotyẽkase eya.

2 Samueu 18:31

Mame mokyro Etiopia põ tooehse ahtao, ynara tykase ynororo: — Tuisa Tawi, omi kurã enehno oya! Seroae Ritonõpo a oepetõkara typoremãkapose emero porehme, tykase Etiopia pono.

Saumu 10:14

Yrome omoro, Ritonõpo, osenuhmãko mase, imehnõ osanumary enẽko mase, emynyhmaketõ akorehmary se mase toto atasamaryhtao ro. Osewomasaromepyra exiketõ oeraximãko mã toto. Etuarimaketõ anakorehmakehpyra mase.

Saumu 10:18

Iiryhmatyã kohtary etãko mase, tumyke pyra exiketõ roropa; zae apiakãko mase toto akorehmaryme, toto onyryhmara ropa ahno tõ ehtohme.

Saumu 7:6

Ritonõpo, owõko ty zehno oehtoh ke, jepetõkara yzehno ipunaka, iporemãkapoko toto! Xikihme exiko, kuakorehmako, zae ehtoh se oexiryke.

Saumu 9:16

Ritonõpo, awaro exĩko imehnõ mana, zae rokẽ imehnõ apiakaryke oya. Mokaro popyra exiketõ, tynyrityã aka omõnõko mã toto, ahno apoitoh aka.

Saumu 9:4

Ahno apiakaneme mase, zae exiketyme, typorohse awahtao tuisa konõto apõ po zae ehtoh rĩko mase, zae ypynanohnõko mase.

Jeremia 51:31

Omi aronanõ atakenaka ytõko tururume Papironia tuisary zuruse: Apatary aka tomõse epetõkara emero rokẽ poe.

Romanos 12:19

Wekyry tõme matose opyno xine jexiryke. Emỹpopyra ehtoko popyra tyrise awahtao xine imehnomo a. Ritonõpo rokẽ eraximatoko. Imeĩpo toto wãnohnõko mana, iirypyry zehno toexiryke. Ynara tymerose Ritonõpo omiryme. “Ywy roro popyra exiketõ poko emỹpõko ase. Toto epehmãko ase iirypyrykõ epehpyryme, ãko Kuesẽkõ mana,” me tymerose Ritonõpo omiryme.