2 Samueu 17:3 - Ritonõpo Omiry: A Bíblia Sagrada na língua Aparai do Brasil

³ imarõkõ enehnõko ropa ynanase oya, ahno pyty oepyry ropa samo tynio a ropa. Toiro orutua rokẽ etapary se oexiryke, totapase ynororo ahtao imehnõ towomasẽme exĩko, tykase Aitopeu.

2 Samueu 17:3 ပူးပေါင်းရင်းမြစ်များ

2 Samueu 17:4

Mokyro omiry etaryke tyya xine, “Kure,” tykase Apisarão tomo, Izyraeu tõ tamuxiry tõ maro.

2 Samueu 3:21

Mame ynara tykase Apinea Tawi a: — Ytoxi Izyraeu tõ eahmase oenetupuhtohme tosẽkõme opoetoryme roropa toto ehtohme, tykase. Mame Apinea taropose ropa Tawi a, osepeme rokene.

Izaja 48:22

Yrome popyra ehtoh poko exiketomo a ynara ãko Ritonõpo mana: “Amaro xine osewomatoh pyra mana.”

Izaja 57:21

Oserematoh pyra oya xine mana,” ãko Ritonõpo mana popyra ehtoh poko exiketomo a.

Jeremia 6:14

Ypoetory tõ apurotopõpyry poko oty kara mã toto, mynyhme pyra ekarõko mã toto: “Kure rokẽ mana,” ãko mã toto kure pyra emero ahtao.

1 Tesaronika 5:3

Ynara karyhtao eya xine: “Emero kure sytatose,” ãko toh mã repe, tuaro pyra toexirykõke. Yrome axĩ toto etuarimatoh oehnõko mana. Atarypõko mã toto, nohpo oxietũtopitory samo. Toepatohkõ zupĩko mã toh repe.