2 Samueu 16:5 - Ritonõpo Omiry: A Bíblia Sagrada na língua Aparai do Brasil

⁵ Mame tooehse tuisa Tawi ahtao pata Paurĩ pona Ximei, Jera mũkuru, Sauu ekyrỹpyry, tutũtase pata poe oseporyse Tawi maro. Tuisa tykerekeremapitose eya aepyryhtao.

2 Samueu 16:5 ပူးပေါင်းရင်းမြစ်များ

2 Samueu 16:14

Mame toeporehkase toto tuna Joatão pona, tuisa, tymarõkõ maro. Totaehse toh nexiase, moroto tõseremase toto.

2 Samueu 16:4

Mame tuisa Tawi ynara tykase Zipa a: — Mepiposete kyryrỹpyry emero esẽme orĩko ase, tykase. Ynara tykase Zipa: — Opoetoryme ase, tuisa imehxo mase, jesemy, zae ehtoh riry se rokẽ ase, jũme rokẽ azamaro jehtohme!

2 Samueu 16:6

Topu tõ tomapitose eya Tawi tõ pona, ipoetory tõ esã pona roropa, Tawi tomyehmase soutatu tomo a ahtao ro.

2 Samueu 17:18

Yrome tonese toto nuasemano a, mokyro a Apisarão turuse. Tonese toto ahtao axĩ toytose toto imepỹ tapyĩ taka Paurĩ pona. Tuna eutary nae nexiase tapyi pũto. Moro taka tomõse toto.

2 Samueu 23:31

Api-Arapõ, Arapa pono; Azamawete, Paurĩ pono.

2 Samueu 3:16

Inio toytose imaro xitãko osema ae, pata Paurĩ pona. Mame Apinea a taropose ropa ynororo, ynara tykase eya: — Ytoko ropa atapyĩ taka, tykase Apinea. Naeroro toytose ropa ynororo.

Exite 2:5

Morarame pata Susã po juteu nexiase, esety Moatekai, Jaia mũkuhpyry, Ximei parỹpyryme, Kixi mũkuru paryme, Pẽjamĩ ekyryme roropa.

Jo 30:11

Tyjamihkehse jexiryke Ritonõpo a, takorehmaneke pyra tyripose roropa jexiryke eya itamurumehxo yzehnotokõ yyryhmãko toto.

Saumu 102:8

Jeunopyry poko kohmãnõko jepetõkara mana; jesety esehtõko ypoihtonanõ mã toto imehnõ pona popyra ehtoh enehporyhtao eya xine.

Saumu 109:28

Ypona popyra ehtoh enehpõkõ mã toto, yrome omoro kure rokẽ jyrĩko mase. Ah yyryhmananõ typoremãkase nexĩ toto, mame ywy, opoetory, tãkye ehxi!

Saumu 69:26

Onuãnohtyã rohmanohpõko mã toto, anapurotyã tuarimary eunohnõko mã toto.

Exutu 22:27

Otarame moro zupõ ke rokẽ oxiõtõko nyhtohme, kõxikene pyra ehtohme. Otarame tãtyke pyra ynororo, tupoke pyra toexiryke. Mame ykohmaryhtao takorehmapotohme aomiry etãko ase, zae jexiryke.

Exutu 22:28

— Omi xihpyry ke Ritonõpo onykerekeremara ehtoko. Popyra otuisary tõ onyripopyra ehtoko.

Porowepio 26:2

Zae rokẽ awahtao, popyra ehtoh enehpory se ozehno exikety ahtao opona oryhmasaromepyra mana. Aomiry xihpyry torõ sã ytoytõko repe, yrome porohpyra mana opona ekurehnõko.

Ekereziaxti 10:20

Otuisarykõ onykerekeremara exiko putiputime ro ahtao, tymõkomoke exikety onykerekeremara exiko onyhtoh tao ro ahtao, otarame torõ pitiko õmiry arõko mana ekarotohme eya xine.

Izaja 8:21

Mame mokaro ahno ytoytõko xiaxiake sero nono poro typoremãse, omise exĩko roropa mã toto. Mame omise toexirykõke tohne exĩko mã toto. Popyra tutuisarykõ ekarõko mã toto, Ritonõpo Tosẽkõ popyra ekarõko roropa mã toto. Otarame kakoxi kapu aka osenuhmãko mã toto,

1 Samueu 17:43

ynara tykase: — Otyme kure moro wewe nae? Oekyme kaikuxi jekarõko ma? Ya oehnõko ma wewe ke ypipohtohme? Omi xihpyry ke tykerekeremase Tawi eya. — Popyra oripõko ase pirixteu tõ neponãmary a, tykase Koria.