2 Samueu 16:3 - Ritonõpo Omiry: A Bíblia Sagrada na língua Aparai do Brasil

³ Mame ynara tykase Tawi: — Otoko Mepiposete, oesẽ Sauu parỹpyry nae? — Tehme mã ynororo Jerusarẽ po ynara exiryke: “Seroae Izyraeu tõ jyrĩko tuisame, ytamuru esahpokoxi,” ãko osenetupuhnõko mana, tykase Zipa.

2 Samueu 16:3 ပူးပေါင်းရင်းမြစ်များ

2 Samueu 16:4

Mame tuisa Tawi ynara tykase Zipa a: — Mepiposete kyryrỹpyry emero esẽme orĩko ase, tykase. Ynara tykase Zipa: — Opoetoryme ase, tuisa imehxo mase, jesemy, zae ehtoh riry se rokẽ ase, jũme rokẽ azamaro jehtohme!

Saumu 101:5

Tokare pyra tykatonomory kerekeremananõ enahkapõko ase, imehnõ motye kure osekaroketomo te, epyrypaketõ se pyra ase ipunaka.

Saumu 15:3

Imehnõ onykerekeremara exiketyme mana, tope tõ onyryhmara roropa exikety, imeimehnõ anaomihtopyra roropa mana.

Saumu 88:18

Oya turumekapose ywy jepe tomo a, ypyno exiketomo a, seromaroro ikohmamyry rokẽ tynamase jepeme.

Exutu 20:16

— Imehnõ poko ajohpe pyra ehtoko.

Porowepio 1:19

Moro sã exĩko mã tyamene se exiketomo, omato kõ roropa, etyhpyryme orihnõko mokaro mana.

Porowepio 21:28

Ajohpe exikety omiry zae pyra ehtoh waro mã toto, yrome otato exikety omiry etãko mã toto.

Mikeja 7:5

Osewomapopyra ehtoko oepe tomo a. Osenekunohpopyra exiko amaro ytoytokety a. Tomeseke exiko õtururu poko opyty a.

Juta 1:11

Imehnõ motye etuarimakehpyra toh mana. Kaĩ ehtopõpyry sã toehse mã toto. Tyyrypyry onykorokapopyra tokurehse ynororo. Mame azahkuru kahpyry se rokẽ toehse toto, tineru apoitohme tyya xine, Paraão ehtopõpyry samo. Ritonõpo omipona pyra toexirykõke, Kora ehtopõpyry samo, osenahkãko mã toto.