2 Samueu 15:25 - Ritonõpo Omiry: A Bíblia Sagrada na língua Aparai do Brasil

²⁵ Mame Zatoke a ynara tykase tuisa Tawi: — Ritonõpo omiry ẽ arotoko ropa pata pona. Ypyno Ritonõpo ahtao jenehnõko ropa xiaro mana. Ahtao aomihpyry ẽ enẽko ropa ase, esary roropa.

2 Samueu 15:25 ပူးပေါင်းရင်းမြစ်များ

2 Samueu 6:17

Mame Ritonõpo omihpyry ẽ tarose eya xine tapyi pitiko taka, Tawi nyrihpyry taka esaryme. Mame tynekaroryme Ritonõpo a okyno tõ tyahkase eya, osepeme ehtoh tyahkase roropa eya.

2 Samueu 7:2

Morarame tõturuse Tawi urutõ Natã a. Ynara tykase ynororo: — Taro ase tapyi kurã tao, apupari risẽ tao. Yrome Ritonõpo omihpyry ẽ tapyi pitiko tao rokẽ mana, tykase.

Saumu 122:1

Tãkye exiase ynara tykase toto ahtao ya: “Ehmaropa Ritonõpo Tapyĩ taka.”

Saumu 122:9

Ritonõpo Kuesẽkõ Tapyĩ sehxo ase. Morara exiryke oturũko ase Ritonõpo a opoko xine. Kure rokẽ oriporykõ se ase eya, Jerusarẽ põkomo.

Saumu 26:8

Ritonõpo Jesemy, atapyĩ sehxo hano, oesary; saereme oehtoh moroto mana.

Saumu 84:10

Kurehxo ya toiro ẽmepyry aroporyhtao Atapyĩ Kurã tao, miume ẽmepyry motye taropose ahtao imepỹ po. Kurehxo ya Ritonõpo Jesẽ tapyĩ omõtoh tao eraseme jahtao, popyrahxo ya tyyrypyry poko exiketõ tapyĩ tao ehse.

Exutu 15:13

Yna pyno oexiryke, opoetory tõ arõko mase typynanohse toto oya, ajamitunuru ke tarose toto oya ononory kurã pona, Ritonõpo.

Exutu 33:12

Ynara tykase Moeze Ritonõpo a: — Zae turuse ywy oya moxiã imoihmãkõ arotohme onekarohpyry pona. Yrome onoky ymaro ytõko nae? Mokyro onekaropyra ro mase ya. Juarohxo oehtoh mekaroase. Azamaro jehtoh roropa ekarõko mase.

Exutu 33:13

Morara awahtao õsenetupuhtoh poko kuruko zuaro jehtohme õmipona jehtohme, azamaro ro jehtohme. Wenikehpyra exiko, moxiã tymenekase oya opoetoryme toto ehtohme.

Jeremia 25:30

— Omoro, Jeremia, jomiry emero ekaroko eya xine, ynara kaxiko eya xine: “Konomeru rĩko Ritonõpo mana moroto kapu ao oturũko mana osa kurã poe, tosary poe. Konomeru rĩko mana typoetory tõ pona, kohtãko mana mokaro uwa epery amuhnanõ samo, uwa eukuru riryhtao. Mokyro etãko mã toto sero nono põkõ emero.

Jeremia 7:4

Omi zae pyra ehtoh onenetupuhpyra ehtoko, ajohpe exiryke: “Towomase sytatose! Sero Ritonõpo Tapyĩme mana, sero Ritonõpo Tapyĩme mana, sero Ritonõpo Tapyĩme mana!”