2 Samueu 15:24 - Ritonõpo Omiry: A Bíblia Sagrada na língua Aparai do Brasil

²⁴ Mokaro maro oturukety Zatoke nexiase rewita tõ maro, Ritonõpo omihpyry ẽ arõko toh nexiase. Moroto typorohkase eya xine nono pona pata poe imoihmãkõ tũtakepyry eraximatohme. Oturukety Apiataa moroto roropa nexiase.

2 Samueu 15:24 ပူးပေါင်းရင်းမြစ်များ

2 Samueu 15:27

Mame ynara tykase roropa Tawi Zatoke a: — Ritonõpo maro oturuketyme mase. Ytoko ropa pata pona, torẽtyke pyra, omũkuru Aimaa maro, Jonata, Apiataa mũkuru maro.

2 Samueu 15:35

Mame moroto amaro Ritonõpo maro oturuketõ Zatoke, Apiataa roropa, enara. Toto zuruko emero onetapohpyry tuisa tapyĩ tao.

2 Samueu 20:25

Sewa nexiase omi meroneme. Zatoke te, Apiataa maro Ritonõpo maro oturuketõme toh nexiase.

2 Samueu 6:13

Morarame moro aronanõ toytopitoryhtao, 6 meturume tũ tykase toto ahtao, okyno tõ tyahkase Tawi a tynekaroryme Ritonõpo a, pui orutua toiro te, pui mũkuru kurano, enara.

2 Samueu 8:17

Zatoke, Aitupe mũkuru te, Aimereke, Apiataa mũkuru roropa Ritonõpo maro oturutoh tao erohketõ nexiase. Seraia omi meroneme nexiase.

1 Tuisa 1:8

Yrome Atonia maro pyra Zatoke kynexine, Ritonõpo maro oturukety te, Penaia, Joiata mũkuru te, Natã, urutono te, Ximei te, Rei te, tuisa Tawi ewomananõ soutatu tõ roropa Atonia maro pyra toh kynexine.

1 Tuisa 2:26

Mame Apiataa, Ritonõpo maro oturukety a ynara tykase tuisa Saromão: — Ytoko ropa ononory pona, Anatote pona. Onyrihpyry epehpyryme oetapary zae exiry repe. Yrome oorihmapopyra ase aporo Ritonõpo omihpyry ẽ aroneme oehtopõpyryke. Papa maro awahtao metuarimase roropa imaro aetuarimaryhtao.

1 Tuisa 2:35

Penaia tyrise tuisa a soutatu tõ esẽme, Joape myakãme. Zatoke Ritonõpo maro oturukety tyrise eya Apiataa myakãme.

1 Koronika 15:2

Mame ynara tykase ynororo: — Rewi pakomotyã rokẽ Ritonõpo omihpyry ẽ arõko mã toto, Ritonõpo a tymenekase toto exiryke, tõmihpyry ẽ aronanõme toto ehtohme, jũme.

Ezekieu 48:11

Moro nono kurã tokarosẽme exĩko oturuketomo a Zatoke pakomotyamo a. Amonohkara jomihpyry omipona toh nexiase; imehnõ Izyraeu tõ maro pyra nexiase toto zae pyra ehtoh poko, imehnõ Rewi ekyry tõ sã pyra.

Numeru 4:15

Atapyĩkõ tykararahse ahtao atakimatohme, Koate poenõ oehnõko mã toto Ritonõpo mõkomory kurã arotohme tõtyhkase Arão tõ ahtao rokẽ Tapyi Kurã jõtory poko imõkomory maro emero. Koate ekyry tõ morohne kurã anapopyra tyripoko toto aorikyrykõino. — Morohne tyripoko Koate tomo a Tapyi Kurã esyryhmatoh toehse ahtao.

Numeru 7:9

Yrome Koate pakomotyamo a morohne onekaropyra Moeze nexiase, Ritonõpo mõkomory kurã toto motary tõ po rokẽ tupuimapose exiryke Ritonõpo omi poe.

Jozue 3:3

Ynara tykase toto Izyraeu tomo a: — Ritonõpo omiry ẽ aroryhtao rewita tomo a, oturuketõ eneryhtao oya xine atakimatoko mokaro ekahmatohme.

Jozue 3:6

Mame ynara tykase ynororo Ritonõpo maro oturuketomo a: — Ritonõpo omiry ẽ apoitoko oytotohkõme Izyraeu tõ esemazupurume. Mame moro sã tyrise eya xine Jozue omi poe.

Jozue 6:4

Osemazuhme, kaxo, Ritonõpo omiry ẽ esemazupurume ytõko mana. Mame 7me oturuketõ rue arõko mã toto, kaneru retyry risemy. Morararo 7me aẽmehtoh ae ytõko matose, soutatu tõ maro pata zomyehmase 7 pune. Mame rue etõko oturuketõ mana.

Jozue 6:6

Oturuketõ tykohmase Jozue a, ynara tykase ynororo eya xine: — Ritonõpo omiry ẽ arotoko. Esemazupurume 7me oturuketõ ytõko turuẽkõ maro.

1 Samueu 22:20

Yrome Apiataa, Aimereke mũkuru, toepase, Tawi maro toehtohme.

1 Samueu 4:11

Ritonõpo omihpyry ẽ roropa tarose pirixteu tomo a. Eri poenõ roropa totapase Hopini, Pineia, enara.