2 Samueu 14:19 - Ritonõpo Omiry: A Bíblia Sagrada na língua Aparai do Brasil

¹⁹ — Joape omi poe moehno ya, morara kase? tykase. Ynara tykase nohpo: — Ajohpe pyra tuaro rukukuh ma keh. Ỹ, opoetory Joape omi poe morohne tyrise ya, morara tykase roropa ywy, tykase.

2 Samueu 14:19 ပူးပေါင်းရင်းမြစ်များ

2 Samueu 11:11

Ynara tykase Uria Tawi a: — Ritonõpo omihpyry ẽ tapyi pitiko tao mana. Morararo Izyraeu tomo, Juta tõ maro, jesẽ Joape roropa ipoetory tõ esã maro, jarao rokẽ nyhnõko mã toto. Ytosaromepyra ase ytapyĩ taka, otuhse, eukuru ẽse, ypyty maro ehse. Ritonõpo netaryme morara ãko ase, morohne onyripyra sãtãse, tykase Uria.

2 Samueu 14:18

Mame ynara tykase Tawi eya: — Ekaropory se ase oya, zae rokẽ kuezuhko roropa. — Ekaropoko, tuisa, tykase ynororo.

2 Samueu 14:3

Mame ytoko tuisa Tawi a oturuse, ynara jomiry ekaroko eya, tykase. Mame tõmiry tokarose eya Tawi zurutohme.

2 Samueu 18:13

Aomipona pyra toehse jahtao, Apisarão totapase ya ahtao tuisa Tawi zuaro exiry - emero zuaro mana - jewomara mexiry.

2 Samueu 3:27

Mame tooehse ropa Apinea ahtao Eperõ pona tarose ynororo Joape a pata omõtoh pũtokoxi, toiroro imaro oturutohme samo, tokare pyra. Moroto takorõ Asaeu etapatopõpyry emetakame, Apinea tuose zuakuru aka rato pohsuimã ke, toorihse.

2 Samueu 3:29

Zae Ritonõpo exiryke Joape wãnohnõko mana jekyry tõ maro, Apinea etapatopõpyry epehpyryme. Ynara se ase: jekyry tõ akuruhtanohpory se ase, ipũkõ motaryke, jaxirykõ ahmitary ke, nohpo erohtoh poko rokẽ waro exikety, totapasẽme exikety etonatoh tao, emitapãnohporykõ ke, enara, tykase.

2 Samueu 3:34

Oemary onymyhpyra nexiase Opupuru roropa anapoipyra nexiase. Ajoajohpãkõ netapahpyry sã, norikyase myhene.” Naeroro tyxitase toto Apinea poko imoihmãkomo.

2 Tuisa 2:2

Mame osema tao ynara tykase Eria tymarono Eriseu a. — Taro exiko; tonyohse ywy Ritonõpo a Peteu pona jytotohme, tykase. Yrome ynara tykase Eriseu Eria a: — Ritonõpo Kuesẽkõ netaryme onetaryme roropa: orumekara sãtã ase, tykase. Naeroro toytose toto Peteu pona.

Exutu 4:15

Oturũko mase Arão maro. Zurũko mase aoturutohme. Ãkorehmatorỹko ase õtururukõ poko te, ãmorepatorỹko ase onyrirykõ poko.

Porowepio 25:2

Ritonõpo imehxo ehtoh enetupuhnõko sytatose tuaro ehtoh zonẽtopõpyryke eya kywino xine. Kutuisarykõ imehxo ehtoh ekarõko sytatose tupime ehtoh poko tãtamorepatohkõke eya xine tuaro ehtohme.

Porowepio 4:27

Ameke exiko popyra ehtopo a, zae rokẽ exiko, osema topohmã ae ytokety samo; eramara exiko ipunaka zae pyra ehtoh pokona ropa.

Numeru 20:17

Ajohpame samo, ah ynanytoxi ononory kuroko. Yna, yna eky tõ roropa osema ae rokẽ ytõko ynanase. Tupito tõ pona ytopyra exĩko ynanase, uwa tõ anarykahpyry tõ pona ytopyra. Tuna eutary tõ poe onẽpyra exĩko ynanase. Oesarykõ po yna ahtao osema konõto ae rokẽ ytõko ynanase.

Ruka 21:15

Toto ezuhtoh ekarõko ase oya xine. Tuaro oritorỹko roropa ase zae rokẽ ozehnotokõ ezuhtohme oya xine. Oezuhpyra xine exĩko toh mana.

Teuteronomiu 28:14

Ritonõpo nyripohpyry tõ ynekarohpyry oya xine seroae omipona exikehpyra ehtoko, mokarohne onurumekara ehtoko, jũme imehnõ neponãmarykõ oneahmara ehtoko toto poko pyra ehtoko ipunaka.

Teuteronomiu 5:32

— Izyraeu tomo, yronymyryme Ritonõpo Kuesẽkõ nyripohpyry tõ omipona ehtoko. Tomeseke ehtoko aomihpyry omipona oehtohkõme ipunaka.

Jozue 1:7

Naeroro orẽpyra exiko, enaromyra roropa exiko. Tomeseke exiko Jomihpyry omipona oehtohme porehme, ynekarohpyry ypoetory Moeze a ekarotohme oya. Moro onurumekara exiko ipunaka, ekurehpyra mase exĩko, orẽpyra exĩko mase, emero pona oytoryhtao.

1 Samueu 1:26

Ynara tykase Ana eya: — Wenikehpyra ro hma ypoko? Ywy roro ase, oturũko ke exiase taro Ritonõpo a, oneneryme.

1 Samueu 17:55

Mame Tawi enẽko Sauu nexiase aytoryhtao pirixteu etapase. Tõturupose ynororo tysoutatu esemy Apinea a: — Apinea, onoky mũkuru koh mose ro? tykase. — Kũ morararo zuaro pyra ase, tykase ynororo eya.

1 Samueu 20:3

Yrome Tawi a tozuhse: — Omy tuaro mana osepeme kuexiry poko. Naeroro ynara ãko mã tyya rokene: “Umũkuru Jonata sero poko zuaro ehsaromepyra mana aemynyhmaryino,” ãko mã ynororo. Naeroro ynara kary se ase oya, Ritonõpo isene exikety zuaro, ameke pyra jorikyry mana, tykase Tawi.

1 Samueu 25:26

Seromaroro Ritonõpo a takorehmase omoro imehnõ onetapara oehtohme, emỹpopyra amoreme oehtohme. Ynara se ase Ritonõpo a ozehnotokõ emero tuãnohsẽme, mokyro Napau ehtoh samo.