2 Samueu 14:14 - Ritonõpo Omiry: A Bíblia Sagrada na língua Aparai do Brasil

¹⁴ Toipe sytatose orihnõko, emero porehme. Kymarokõ tuna sã exĩko tukuãse ahtao nono pona. Ananỹpyra ropa sytatose. Moro saaro toorihse kuahtao xine kuẽsemãkapopyra xine ropa Ritonõpo mana isene ropa kuehtohme. Yrome orutua enehpory ropa waro mase katonõ nonory poe.

2 Samueu 14:14 ပူးပေါင်းရင်းမြစ်များ

2 Samueu 11:25

Mame ynara tykase Tawi omi arohpono a: — Ynara kaxita Joape a: “Emynyhmara exiko toitoine kysoutatu kõ totapase exiry poko. Toipe osetaparyhtao toitoine orihnõko. Naeroro ajamihtatoko ropa moro pata poremãkapotohme oya xine,” kaxita eya orẽpyra aehtohme ropa, tykase Tawi.

2 Samueu 14:15

Tuisa, oya oehno seromaroro, umũkuru etapary se imehnõ exiryke. Ynara tõsenetupuhse ywy: “Tuisa maro jotururuhtao otarame jakorehmãko mana.

1 Tuisa 11:39

Saromão rypyry pokoino Tawi pakomotyã wãnohnõko ase, yrome jũme pyra.”

Jo 14:14

Toorihse ahno ahtao ẽsemãnõko ropa nae? Yrome kurehxo ehtoh eraximãko ase, jetuarimatoh tonahse ahtao.

Jo 30:23

Jarõko mase aorihtyã esaka, zuaro ase. Morotona isene exiketõ ytõko mã toto emero porehme.

Jo 34:15

moro toehse ahtao ahno emero orihnõko oximõme, nonome exĩko ropa mã toto.

Jo 34:19

Kurehxo tuisame exiketõ onyripyra Ritonõpo mana, tamuximãkõ roropa, popyrahxo tymõkomokãkara onyripyra roropa mana, emero ahno tyrise exiryke eya.

Saumu 22:14

Yjamitunuru tonahse; ywy ase tuna tukuãse aexihpyry samo nono pona. Yzehpyry tõ toesyryhmase tosae xine; jeano moronapu sã nase toetunamase ahtao.

Saumu 22:15

Jesenary tonore nase, putokane samo. Unuru tõsexihse sã nase ỹtary pokona. Kynomoase aorikyhpyry samo, nono po.

Saumu 58:7

Ah mokaro popyra exiketõ tonahkasẽme nexĩ toto, tuna samo tukuãse ahtao nono pona! Ah takurihmose nexĩ toto otyro sã, ahtaryhtao osema tao!

Saumu 77:8

Yna pyno pyra toehse nae? Aomihpyry yna a tymyakãmase hnae?

Saumu 79:3

Opoetory tõ munuru tukuãse eya xine tuna samo; Iporiry sã munu serere ãko Jerusarẽ esemary kuroko, ahno pyra toehse mana aorihtyã ekepyry zonẽtohme.

Saumu 90:10

70me jeimamyry rokẽ aropõko ynanase isene exiketõme, jamihmehxo exiketõ otarame 80me aropõko toorihtohme, yrome morara ahtao etaehnõko ynanase, kure pyra exĩko roropa. Okynã pyra orihnõko, osenepyra exĩko ropa ynanase.

Saumu 90:3

Ahno a ynara ãko mase: “Eramatoko ropa, nonome ropa oehtohkõme, oehtopõpyry sã apitoryme,” ãko mase. Opoe nonome exĩko ropa mã toto.

Exutu 21:13

Yrome tuamekaro rokẽ imepỹ taorihmapose eya ahtao, etapary se pyra ahtao, kure mokyro etapahpõ epary osewomatoh pona, ynymenekahpyry pona ehse.

Ekereziaxti 9:5

Ajohpe pyra, isene exiketõ toorikyrykõ oepyry waro mã toto, yrome toorihse ahtao zuaro pyra ipunaka. Epehpyry anapoipyra ropa exĩko mã toto. Tuenikehsẽme exĩko roropa mã toto.

Ramẽtasão 3:31

Iirypyrymãkõ wãnopyry se pyra Ritonõpo mana, jũme kurumekara xine mana.

Ezekieu 18:23

“Popyra exiketõ orikyry yzamaro, ekarõko matou?” ãko Ritonõpo mana. Arypyra! Tyyrypyry rumekary eya isene aehtohme. Moro yzamaro mana.

Rewitiku 26:40

— Yrome apakomotyã osekarõko mã toto iirypyryme toexirykõ poko te, tytamurukõ rypyhpyry tõ ekarõko roropa mã toto; ynyripohpyry omipona pyra aexityamo, otato pyra toexirykõke

Numeru 35:15

Moro 6me pata tõ epaketõ ewomatohme exĩko mana: Izyraeu tõ ewomatohme te, imehnõ nonory põkõ ewomatohme roropa amaro xine toehse aexityamo axĩtao rokẽ amaro xine toehse toto ahtao, jũme toehse toto ahtao roropa.

Numeru 35:25

Mokyro ewomãko imoihmãkõ mana etapary se pyra ynororo exiryke, mokyro onetapara aorikyhpyry ekyry ehtohme. Mokyro arõko ropa mã toto pata epatoh taka, moroto aehtohme Oturukety imehxo exikety orihtoh pona, typopase exikety azeite kurã ke, Ritonõpo kyryry ke.

Numeru 35:28

Mokyro, imepỹ etapahpono tehme exĩko mana moro pata epatoh po, Oturukety imehxo exikety orihtoh pona. Moromeĩpo ytõko mana tytapyĩ taka ropa.

Mateu 22:16

Mame typoetory tõ taropose eya xine Jezu a, Erote epe tõ maro. Ynara tykase toto Jezu a: — Zae rokẽ yna amorepãko mase. Awaro ynanase. Ritonõpo omiry poko yna amorepãko mase. Torẽtyke pyra roropa mase opoko. Okerekeremaryhtao imehnomo a oty kara mase. Oenery poko roropa imehnomo a oty kara mase.

Atos 10:34

Morarame Peturu tõturuse eya xine. Ynara tykase: — Seromaroro zuaro ase. Emero kypyno xine Ritonõpo exiry waro ase, yna rokẽ kara pyno Ritonõpo mana.

Romanos 2:11

Zae rokẽ Ritonõpo kuepehmatorỹko mana juteu tomo, juteutõkara, enara.

Teuteronomiu 10:17

Emero tuisa tõ Esẽme Ritonõpo mana, Kuesẽkomo, kowenu tõ Esẽme, ritõ tõ Esẽme. Imehxo mana, Jamihmehxo Exiketyme, zuno ehtoh kamexiponeme roropa mana. Tõmipona imehnõ ripõko mana. Oxisã imehnõ ripõko mana. Zae rokẽ mana. Imehnõ nekarory anapoipyra mana zae pyra ehtoh tyritohme.

Epereu 9:27

Toipe sytatose. Emero porehme orihnõko sytatose toiro. Moromeĩpo kuapiakatorỹko Ritonõpo mana.

1 Peturu 1:17

“Papa,” ãko matose, õtururukohtao Ritonõpo maro. Yrome sero põkõ apiakaneme ynororo. Zae kuepehmatorỹko mana kynyrihpyrykõ eneryke tyya. Zae exiketõ epehmãko mana zae toehtopõpyry epehpyry ke. Yrome tyyrypyry poko aexityã epehmãko etuarimatoh ke iirypyrykõ epehpyryme. Naeroro aomipona ehtoko sero nono poro awahtao xine.