2 Samueu 13:4 - Ritonõpo Omiry: A Bíblia Sagrada na língua Aparai do Brasil

⁴ Mame tõturupose ynororo Amanõ a: — Omoro mase tuisa mũkurume. Yrome emynyhmãkohxo mase kokoro rokene. Oty katohme? Kuruko kẽty, tykase ynororo. Ynara tykase Amanõ eya. — Tamara poko emynyhmãko ase, jakorõ Apisarão oryxiry poko, ise jexiryke, tykase.

2 Samueu 13:4 ပူးပေါင်းရင်းမြစ်များ

2 Samueu 13:3

Morarame Amanõ topeke nexiase, esety Jonatape Ximeia mũkuru, Tawi rui Ximeia nexiase. Tuaro exiketyme sã Jonatape nexiase.

2 Samueu 13:5

Mame ynara tykase Jonatape: — Imihme exiko onyhtoh po, kurãkara samo, tykase. Mame omy tooehse ahtao oenese, ynara kaxiko eya: “Woryxiry Tamara oepyry se ase ynapyry ekarotohme ya. Ah tonahsẽ rino yneneryme, inyriry enery se jexiryke. Mame ynahpãko mã ynororo rahkene,” kaxiko, tykase.

1 Tuisa 21:5

Mame ipyty Jezapeu toytose oturuse imaro. Tõturupose ynororo, ynara tykase eya: — Oty katohme emynyhmãko mah? Oty katohme õtukuru se pyra roropa mahno? tykase.

1 Tuisa 21:7

Mame ynara tykase Jezapeu, tynio Akape a: — Izyraeu tõ esẽ kara mahno? Owõko hkoty! Tãkye exiko! Otuhko. Ywy roro Napote tupi ekarõko ase oya, Jezereu pono.

Izaja 3:9

Oxisã imehnõ onyripyra mã toto; moro poko zae pyra mã toto. Jarao zae pyra toehtohkõ poko mã toto Sotoma põkõ ehtopõpyry samo; otonẽpyra mã toto iirypyryme ehtoh poko toto ahtao. Tuãnohsẽme exĩko mã toto, popyra toto ehtopõpyry epehpyry apoĩko mã toto.

Jeremia 8:12

Morarame morohne poko, yzamaro pyra ehtoh poko ehxirõko toh nae? Arypyra! Ehxiropyra mã toto ipunaka; ehxirosaromepyra mã toto. Naeroro epukãko mã toto imehnõ toepukase aexityã samo; toto wãnopyryhtao ya typahsẽme exĩko mã toto nono pona. Ywy, Ritonõpo, oturũko ase.

Rewitiku 18:9

Ooryxiry poko pyra exiko: omy ẽxiryme ahtao asa maro te, omy ẽxiryme rokẽ ahtao; tuãtase ynororo ahtao atapyĩ tao, imepỹ tapyĩ tao roropa.

Rewitiku 20:17

— Orutua typytase ahtao toryxiry maro, tumy ẽxiryme ahtao te, tyse ẽxiryme ahtao, mokaro asakoro ro taroposẽme exĩko mã toto ypoetory tõ winoino. Ehxirotoh moro toryxiry tapoise exiryke orutua a, moro poko tuãnohsẽme exĩko mã toto.

Mikeja 7:3

Torẽnase mã toto, emero, popyra ehtoh riry poko. Tuisa tomo, juize tõ roropa tineru apoĩko mã toto zae pyra exiketõ nekarohpyry. Tamuximãkõ, jamihme exiketõ typenetatohkõ popyra ekarõko mã toto. Oximaro popyra ehtoh rĩko mã toto.

Ruka 12:32

— Enaromyra ehtoko ypoenomo. Tuhke pyra matose Ritonõpo enetupuhnanomo. Yrome imeĩpo ahno esẽme oehtohkõ ekarõko mã oya xine Omykõ kapuaono.