2 Samueu 13:32 - Ritonõpo Omiry: A Bíblia Sagrada na língua Aparai do Brasil

³² Yrome ynara tykase Jonatape, Ximeia mũkuru, Tawi rui mũkuru: — Tuisa Tawi, omũkuru tõ emero pyra totapase toto. Amanõ rokẽ toorihse. Takorony a totapase ynororo, Apisarão a, toryxiry Tamara tyyryhmase exiryke eya.

2 Samueu 13:32 ပူးပေါင်းရင်းမြစ်များ

Jenexi 27:41

Morarame takorõ zehno toehse Ezau, kure Jako tyripose jũkomo a exiryke. Mame ynara tõsenetupuhse ynororo: “Okynã pyra papa orihnõko mana. Moromeĩpo tyhnamokehse ahtao jakorõ etapãko ase.”

2 Samueu 13:3

Morarame Amanõ topeke nexiase, esety Jonatape Ximeia mũkuru, Tawi rui Ximeia nexiase. Tuaro exiketyme sã Jonatape nexiase.

2 Samueu 13:33

Naeroro zae pyra: “Opoenõ emero totapase,” katopõpyry. Amanõ rokẽ totapase.

Saumu 7:14

Enetoko ke popyra exiketõ popyra ehtoh poko osenetupuhnõko mã toto. Atamorepãko mã toto popyra ehtoh riry poko, ajohpe exikehpyra mã toto.

1 Samueu 16:9

Morotoino tumũkuru Ximeia tonehpose Jese a. Yrome Samueu ynara tykase: — Mose ro kara Ritonõpo nymenekahpyry, tykase.