2 Samueu 13:3 - Ritonõpo Omiry: A Bíblia Sagrada na língua Aparai do Brasil

³ Morarame Amanõ topeke nexiase, esety Jonatape Ximeia mũkuru, Tawi rui Ximeia nexiase. Tuaro exiketyme sã Jonatape nexiase.

2 Samueu 13:3 ပူးပေါင်းရင်းမြစ်များ

Jenexi 3:1

Morarame okoi tuarohxo kynexine, imehnõ onokyro tõ motye, onekunohtõme kynexine. Tõturupose ynororo nohpo a: — Ajohpe pyra “Tupito põ wewe epery osenahno,” naseh oya Ritonõpo?

Jenexi 38:1

Morara ahtao takorõ tõ turumekase Juta a, imepỹ tapyĩ taka toytotohme, mokyro esety Hira, pata Aturã pono.

Jenexi 38:20

Moromeĩpo tope, Hira taropose Juta a poti ekarotohme nohpo a tykyryry tõ enehtohme ropa, yrome nohpo onenepyra tokurehse ynororo.

2 Samueu 13:2

Takuruhtase sã nexiase toryxiry Tamara poko se toexiryke repe. Yrome imaro ehsaromepyra nexiase. Orutua poko exipitopyra roropa mokyro nohpo nexiase.

2 Samueu 13:32

Yrome ynara tykase Jonatape, Ximeia mũkuru, Tawi rui mũkuru: — Tuisa Tawi, omũkuru tõ emero pyra totapase toto. Amanõ rokẽ toorihse. Takorony a totapase ynororo, Apisarão a, toryxiry Tamara tyyryhmase exiryke eya.

2 Samueu 13:4

Mame tõturupose ynororo Amanõ a: — Omoro mase tuisa mũkurume. Yrome emynyhmãkohxo mase kokoro rokene. Oty katohme? Kuruko kẽty, tykase ynororo. Ynara tykase Amanõ eya. — Tamara poko emynyhmãko ase, jakorõ Apisarão oryxiry poko, ise jexiryke, tykase.

2 Samueu 14:2

Naeroro typoetory tonyohse Joape a Tekoa pona nohpo, tuaro exikety, enehtohme tyya. Ynara tykase eya: — Emynyhmakety sã exiko. Upo amuruko xitakety zupõ sã exikety, oũsety onekurinara exiko. Xitakehpyra exiketõ ipoenohko.

2 Samueu 21:21

Mame Izyraeu tykerekeremase ahtao eya, totapase ynororo Jonata a, Ximeia mũkuru, Tawi rui.

1 Koronika 2:13

Jese toemũkuase 7me: Apitorymãme Eriape te, Apinatape te, Ximeia te,

1 Koronika 27:32

Jonata, tuisa Tawi ory emese kure kynexine, tãtamorepary poko te, imehnõ amorepary poko, enara. Tuisa Tawi poenõ amorepaneme kynexine ynororo, Jeieu, Hakamoni mũkuru maro.

Exite 5:10

Yrome “Syk,” tykase rokẽ Hamã. Tytapyĩ taka toytose ynororo, tope tõ tykohmase, typyty Zere roropa tykohmase tyya.

Exite 5:14

Mame ynara tykase ipyty, epe tõ roropa, imaro exiketomo: — Wewe risẽ tyripoko xikihme exikety, 20 meturume exikety. Kokoro pakeimo ekaropoko tuisa a Moatekai anỹpotohme ipymyry ae tyhwyme moro wewe pokona. Moromeĩpo ytoko tãkye tuisa maro otuhtoh kurã pona. Morara kary kure nexiase Hamã a, wewe risẽ tyripose eya rahkene.

Exite 6:13

Typyty a tokarose emero, tope tomo a roropa morara ehtopõpyry poko tyya. Mame ynara tykase ipyty, epe tõ maro, tuaro exiketomo: — Poremãpitõko mase õsetaparykõ poko Moatekai maro. Juteume mã ynororo, onyporemãkapopyra mase rahkene. Poremãnõko rokẽ mase rahkene.

Porowepio 19:6

Tuisamehxo exiketõ zamaro se sytatose emero, tynekarory tõ ekaroneme exiketõ maro osepeme se sytatose roropa emero.

Jeremia 4:22

Ynara ãko Ritonõpo mana: “Ypoetory tõ tuaro pyra mã toto, juaro pyra roropa mã toto. Poeto pitiko sã mã toto, putupyra rokene, onenetupuhpyra mã toto. Popyra ehtoh poko tuarohxo mã toto. Yrome zae ehtoh poko zuaro pyra mã toto ipunaka.”

1 Korĩtiu 3:19

“Zuarohxo ynanase,” ãko Jezu onenetupuhpynomo. Yrome Ritonõpo ynara ãko eya xine: “Rowohpe matose ipunaka,” ãko. Ynara tymerose Ritonõpo omiryme: “ ‘Zuarohxo ywy,’ kananõ mã osenekunohnõko rokene zuaro toehtopõpyrykõke. Otupĩko mã toto. Tutũtatohkõ ropa zupĩko sã mã toto,” ãko.

Tiaku 3:15

Moro tuaro ehtoh Ritonõpo poe pyra mana. Sero põkõ poe rokẽ morara tuaro ehtoh mana. Morara awahtao xine, Ritonõpo Zuzenu poe pyra tuaro matose. Joroko poe osenetupuhnõko rokẽ matose.

Juize 14:20

Mame ipyty tokarose imepyny a, Sãsão akorehmahpono a ipytatoh poko.

1 Samueu 16:11

Mame tõturupose ynororo Jese a: — Nenahno opoenõ mõtohxo kara nexino? tykase Samueu Jese a. — Ỹ, moxiaro rokene. Nae ro toiro umũkuru mana akomihpyrykomo, poetomano. Yrome taro pyra mana. Ona po mã ynororo erohnõko kaneru tõ poko, tykase Jese Samueu a. — Morara ahtao enehpoko, tykase Samueu. — Otuhpyra sytatose oehpyra ynororo ahtao, tykase Samueu eya xine.

1 Samueu 16:9

Morotoino tumũkuru Ximeia tonehpose Jese a. Yrome Samueu ynara tykase: — Mose ro kara Ritonõpo nymenekahpyry, tykase.