2 Samueu 13:24 - Ritonõpo Omiry: A Bíblia Sagrada na língua Aparai do Brasil

²⁴ Apisarão tõturuse tuisa maro, ynara tykase ynororo: — Oseahmatoh rĩko ase kaneru tõ hpoty sahkatoh poko. Naeroro okohmãko ase, tuisa, opoetory tõ esã maro tãkye oehtohme yna maro, tykase.

2 Samueu 13:24 ပူးပေါင်းရင်းမြစ်များ

Jenexi 38:12

Mame okynahtao Juta pyty toorihse. Tyhnamokehse ahtao toytose Juta Timinate pona toky tõ kaneru tõ hpoty sahkary enese. Tope Hira, Aturã põ maro toytose ynororo.

2 Samueu 13:23

Mame asakoro jeimamyry taropose ahtao, toky tõ hpoty sahkãko Apisarão nexiase, kaneru tomo. Paau-Hazoa po toh nexiase typoetory tõ maro pata Eparaĩ pũto. Mame tuisa Tawi poenõ toahmase eya morotona toto ytotohme.

2 Samueu 13:25

— Arypyra aimo, tykase Tawi. — Yna ytoryhtao emero oerohtoh itamurume exĩko mana, tykase. Tumy tykohmase ropa Apisarão a repe. Yrome toytory se pyra Tawi nexiase. Mame tumũkuru taropose tywinoino kure rokẽ repe.

Saumu 12:2

Ajohpe oturũko mã toto oseya; imehnõ enekunohnõko mã toto ipyrypary ke eya xine.

Saumu 55:21

Aomiry kure sã nexiase mãteka samo enekunohtohme, yrome ikurohtao imehnõ se pyra ipunaka exiketyme nexiase. Aomiry kure sã nexiase azeite samo, yrome tapema taere exikety sã nysahkatoh sã nexiase.

1 Samueu 25:7

Seromaroro kaneru tõ hpokatoh toehse, ãko mã toto ya. Oeky tõ poko erohketõ yna maro tahtao xine kure rokẽ ynanexiase toto maro. Ynanewomase toto, Karameru po toto ahtao. Toto mõkomory onematonanohpyra roropa ynanexiase.