2 Samueu 13:20 - Ritonõpo Omiry: A Bíblia Sagrada na língua Aparai do Brasil

²⁰ Ipiry Apisarão ynara tykase eya: — Mokyro Amanõ opoko nexino? Ajohpãme sã xitara exiko, woryxiry. Opiryme mã ynororo. Torẽtyke pyra exiko, tykase. Mame Apisarão tapyĩ taka toytose ynororo toiroro ehse, tãkye pyra toexiryke.

2 Samueu 13:20 ပူးပေါင်းရင်းမြစ်များ

Jenexi 34:2

Moroto Hamoa, heweume exikety, tuisame kynexine. Tumũkue kynexine ynororo esety Xikẽ. Tina tonese eya, tapoise eya, ipoko toehse ynororo.

Jenexi 46:15

Mokaro kynexine Reia mũkuru tõ Jako maro Mesopotamia po aenurutyamo. Mokaro maro ẽxirykõ Tina kynexine. Atapona 33me toh kynexine Jako poenomo Reia maro.

2 Samueu 13:19

Oruno tyrise Tamara a tuhpokoxi, tupõ kurã tyxihkase roropa eya toemynyhmaryme. Tomary tõ tyrise eya tõmyty apurume. Tyxitase opore roropa ynororo toytoryme.

2 Samueu 13:21

Mame moro poko tuaro toehse tuisa Tawi ahtao tyekĩtapãse ynororo.

2 Samueu 14:24

Yrome ynara tykase Tawi: — Ah nytono tytapyĩ taka, esary pyra mana ytapyĩ tao, mokyro enery se pyra jexiryke. Naeroro tytapyĩ taka toytose Apisarão. Tuisa enese ytopyra tokurehse ynororo.

Porowepio 26:24

Ahno ajohpe exikety imehnõ zehno toexiry zonẽnõko mana, omi kurã ke oturũko mã ynororo repe.

Romanos 12:19

Wekyry tõme matose opyno xine jexiryke. Emỹpopyra ehtoko popyra tyrise awahtao xine imehnomo a. Ritonõpo rokẽ eraximatoko. Imeĩpo toto wãnohnõko mana, iirypyry zehno toexiryke. Ynara tymerose Ritonõpo omiryme. “Ywy roro popyra exiketõ poko emỹpõko ase. Toto epehmãko ase iirypyrykõ epehpyryme, ãko Kuesẽkõ mana,” me tymerose Ritonõpo omiryme.