2 Samueu 12:7 - Ritonõpo Omiry: A Bíblia Sagrada na língua Aparai do Brasil

⁷ Mame ynara tykase Natã Tawi a: — Omoro mase mokyro. Ynara ãko Ritonõpo, Izyraeu esemy: “Kymenekase Izyraeu tuisaryme oehtohme. Kuewomase oetapara Sauu ehtohme.

2 Samueu 12:7 ပူးပေါင်းရင်းမြစ်များ

2 Samueu 14:13

— Oty katohme azahkuru ehtoh tyrise oya Ritonõpo poetory poko? tykase nohpo, tõturupose. — Katonõ tõ esary poe omũkuru onenehpopyra ropa mase. Naeroro õmihpyry poe ynetaryme, azahkuru osekarõko mase.

2 Samueu 22:1

Tawi eremiatoh moro, Ritonõpo eahmatohme, typynanohse tahtao, Sauu tõ winoino, imehnõ etapary se exiketõ winoino roropa. Mokaro winoino typynanohse tahtao toremiase ynororo, ynara tykase:

2 Samueu 22:49

typynanohse ywy eya, yzehnotokõ winoino. Omoro, Ritonõpo orẽpyra jyrĩko mase, jepetõkara poremãkatohme ya, jewomãko mase yyryhmary se exiketõ winoino.

2 Samueu 7:8

Naeroro seromaroro ypoetory Tawi zuruko: “Ynara ãko Ritonõpo Jamihmehxo Exikety: ‘Kymenekase ona po awahtao, kaneru tõ ekahmaryhtao oya, ypoetory tõ esẽme oehtohme, Izyraeu tõ tuisaryme.

1 Tuisa 14:7

Ytoko ropa Jeropoão zuruse: “Ynara ãko Ritonõpo Izyraeu tõ Esẽ oya: ‘Omoro tymenekase ya, Izyraeu tõ rãnao awahtao, tuisame oehtohme Izyraeu tõ esẽme.

1 Tuisa 18:18

Mame Eria a tozuhse: — Arypyra, Izyraeu tõ onerekohmara ase, tykase. — Omoro hkoty Akape, omy roropa, Ritonõpo omipona pyra oexirykõke, oekyry tõ maro, konopo onenehpopyra mana. Ynara exiryke, opoetory tõ mã tyneponãmary rokẽ eahmãko, Paau eahmãko mã toto, tykase.

1 Tuisa 20:40

Yrome tỹpokõke jahtao tyorõ poko, toepase ynororo, tykase. Ynara tykase tuisa eya: — Omihpyry ae ro epehmãko mase. Zae nase, morara epehmary oya, tykase.

1 Tuisa 20:42

Mame ynara tykase urutõ tuisa a: — Ynara ãko Ritonõpo mana: “Oya orutua taropose ropa, taorihmapose ahtao ya. Opokoino Pẽ-Hatate toepase. Naeroro oorikyry ke epehmãko mase. Opoetory tõ, soutatu tõ tonahkasẽme exĩko, mokyro poetory tõ taropose ropa oya exiryke.”

Saumu 18:1

Ritonõpo Jesemy, opyno ase ipunaka! Omoro mase jewomaneme.

Jeremia 34:6

Mame moro emero ekaroase tuisa Zetekia a, Jerusarẽ po,

Tanieu 4:22

— Moro wewe opoko enetupuhtoh nexiase. Tuisamehxo toehse mase, jamihme roropa. Pata tõ esẽme mase sero nono etyhpyry pona, kapu pona sã roropa.

Mateu 14:14

Mame towõse ropa Jezu ahtao kanawae imoihmãkõ tonese eya. Toenupunase ynororo toto poko yronymyryme. Mame kurãkõkara tukurãkase ropa eya.

1 Samueu 13:13

— Onyrihpyry zae pyra kynako, rowohpã nyriry sã kynako! tykase Samueu. — Ritonõpo Kuesẽkõ omihpyry omipona pyra mexino. Aomipona nymyry toehse awahtao jũme tuisame mexiry. Omũkuru roropa te, apakõ roropa Izyraeu tõ esẽme exiry toto, jũme.

1 Samueu 15:17

— Tuisame hkopyra osekarõko mase otarame, yrome Izyraeu tuisaryme mase. Ritonõpo Kuesẽkomo a tymenekase oexiryke typoetory tõ Izyraeu tõ esẽme oehtohme.

1 Samueu 16:13

Naeroro pui retyry tapoise Samueu a. Oriu tukuãse Tawi zupuhpyry pona irui tõ neneryme. Mame Ritonõpo Zuzenu Tawi esẽme toehse. Jũme imaro toehse Ritonõpo Zuzenu. Mame Samueu toytose ropa Rama pona.

1 Samueu 18:11

Mame ynara tõsenetupuhse Sauu: — Mose wõko ase seromaroro ypyre ke, tykase repe. Mame warata tomase eya, jamihme samo Tawi wotohme repe. Imeĩpo tywaratã tomase ropa eya Tawi wotohme repe; yrome tõsepynanohse Tawi asakoro ehtoh pona.

1 Samueu 18:21

Tõsenetupuhse ynororo: — Jẽxiry ekarõko ase Tawi pytyme aehtohme. Mame jakorehmãko mã ynororo mokyro etapapotohme pirixteu tomo a, tykase Sauu. Morara exiryke ynara tykase ropa Sauu Tawi a: — Ypaniryme exĩko mase.

1 Samueu 23:14

Mame ona po tõtonẽse Tawi nexiase ypy htao roropa otonẽtoh tao Zipe pũto. Sauu a tupise ynororo repe, yrome onekaropyra Ritonõpo nexiase eya.

1 Samueu 23:7

Mame imepyny a Sauu turuse ahtao Tawi ytotopõpyry poko Keira pona. Ynara tykase Sauu: — Ohkato, Ritonõpo jakorehmãko mana Tawi apoiry poko. Tomõse ynororo ahtao tapure exikety aka, axĩ mokyro apurũko ase moro tao, tykase Sauu.