2 Samueu 12:13 - Ritonõpo Omiry: A Bíblia Sagrada na língua Aparai do Brasil

¹³ Mame ynara tykase Tawi Natã a: — Yyrypyry poko exiase, iirypyryme ase Ritonõpo neneryme. — Ỹ, oorypyry korokãko Ritonõpo mana, tykase Natã, orihpyra mase.

2 Samueu 12:13 ပူးပေါင်းရင်းမြစ်များ

Jenexi 39:9

Sero itapyĩ tao tuisame ase isaaro. Taro emero ise jahtao apoĩko ase. Omoro rokẽ poko pyra ase, ipytyme oexiryke. Naeroro opoko ehsaromepyra ase. Opoko jahtao zae pyra jexiry, iirypyryme jexiry roropa Ritonõpo a.

2 Samueu 24:10

Moromeĩpo Izyraeu tõ tuhke ehtoh kuhxĩpo Tawi a, toehxiropitose ynororo. Ynara tykase ynororo Ritonõpo a: — Iirypyryme toehse ywy, Izyraeu tõ kuhporyke ya. Ajohpãme sã yyrypyry ikorokako, ajoajohpe exikety sã yriase, tykase Tawi Ritonõpo a.

2 Samueu 24:17

Mame Ritonõpo nenyokyhpyry eneryke tyya ynara tykase Tawi Ritonõpo a: — Ywy ro rokẽ tyyrypyhpyke toehse, azahkuru ynyriry exiryke. Yrome mokaro kaneru tõ samo. Oty tyrise eya xine popyra? Zae mase juãnopyryhtao, wekyry tõ maro, tykase.

1 Tuisa 13:4

Mokyro omiry etaryke Jeropoão a, tomary tõximahxinase ynororo mokyro urutõ wino. — Mose apoitoko! tykase ynororo repe. Axĩ pakaihkapỹme toehse tuisa apory. Etywyhmasaromepyra ropa toehse.

1 Tuisa 21:20

Mame Eria tonese ahtao Akape a, ynara tykase ynororo eya: — Kueneropa, jepekara? tykase. — Aõ, kueneropahxo! Õsekaroryke yronymyryme azahkuru ehtoh poko Ritonõpo neneryme,

1 Tuisa 22:8

— Nae, mokyro Mikaia, Inira mũkuru. Yrome mokyro se pyra ase ipunaka, kure jehtoh poko onekaropyra aexiryke popyra jehtoh rokẽ ekarõko mana, tykase Akape. — Morara kara exiko, tykase Josapa.

2 Tuisa 1:9

Mame kapitão taropose eya 50me soutatu tõ maro, Eria apoitohme. Mame tonese ynororo typorohse ypy emory po. Ynara tykase kapitão eya: — Urutono Ritonõpo poe. Ynara ãko tuisa oya: “Osehko xiaro,” tykase.

1 Koronika 21:8

Ynara tykase Tawi Ritonõpo a: — Iirypyryme toehse ywy Izyraeu tõ kuhporyke ya. Ajohpãme sã yyrypyry ikorokako. Ajoajohpe exikety sã yriase, tykase.

2 Koronika 16:10

Morara kary etaryke tyya urutõ zehno toehse Asa. Tymyhpose ynororo eya keti ke ẽmatohme ãpuruhpyry taka. Morara ahtao roropa imehnõ Juta tõ tyyryhmapitose Asa a.

2 Koronika 25:16

Yrome urutõ tymynyhpãkapose tuisa a, ynara karyke: — Otara ahtao tuisa amorepaneme kyriase? Mynyhme exiko oorihmaporyino ya, tykase. Naeroro mynyhme toehse urutõ ynara kaxĩpo: — Oenahkapõko Ritonõpo mana, zuaro ase morohne tyrise oya exiryke, jomiry onetara roropa oexiryke, tykase ynororo.

Jo 33:27

Ynara ãko mana imehnomo a emero: ‘Iirypyryme exiase, zae pyra ehtoh poko exiase. Yrome juãnohpyra Ritonõpo nexiase.

Saumu 103:12

Moe xixi tũtatoh wino mana xixi omõtoh poe, moro moe ehtoh sã kywinoino xine kyyrypyrykõ apiakãko Ritonõpo mana.

Saumu 51:16

Okyno tõ etapary ya se pyra mase ynekaroryme oya; okyno zahkary se pyra roropa mase ynekaroryme oya.

Saumu 51:4

Yyrypyry mã oryhmaneme rokẽ mana, popyra ehtoh yriase oneneryme, ise pyra oehtoh ipunaka moro tyrise ya. Zae mase japiakaryhtao oya, juãnopyryhtao oya zae rokẽ mase morohne rĩko.

Saumu 51:6

Zae jehtoh se mase ukurohtao ajohpe pyra jehtohme. Tuaro kyriko ukurohtao.

Exutu 9:27

Moeze tykohmapose tuisa a, Arão maro. Ynara tykase ynororo: — Toerypymase ywy seromaroro. Zae Ritonõpo Oesẽkõ mana. Ywy, ypoetory tõ maro, azahkuru ynanase.

Porowepio 25:12

Otato ahno ahtao tuaro se toexiryke, tuaro exikety namorepary kure kuhse mana, omahtao uuru risẽ motye te, õkyry uuru kurã risẽ motye roropa mana.

Porowepio 28:13

Tyyrypyry tonẽse ahno a ahtao, orẽpyra exipyra ekurehnõko mana, yrome opynanohnõko Ritonõpo mana oorypyry ekaroryhtao eya irumekatohme oya.

Izaja 38:17

Kure jehtohme morohne ke toetuarimase ywy, zuaro ase. Yrome kypynanopyase orihpyra jehtohme, yyrypyry tõ emero tykorokase oya.

Izaja 43:24

Ixtaratu onepekahpopyra exiase oya xine ekarotohme ya, oeky tõ kasery roropa onekaropopyra exiase oya xine tãkye jyritohme. Mãpyra totaehse kyriatose oorypyrykõ ke, tapotũkehse tykamexipose ywy oya xine azahkuru ehtoh poko oexirykõke.

Izaja 44:22

Popyra oehtohkõ ykorokase, oorypyrykõ roropa emero; osenepyra toehse mã kehko akurũ esahpyry samo. Osehtoko ropa ya Opynanohneme jexiryke.”

Ramẽtasão 3:32

Emynyhmatoh enehporyhtao ro kyya xine kypyno xine ro mana yronymyryme, kypyno xine aehtoh jamihme mana.

Rewitiku 20:10

— Imepỹ pyty poko toehse orutua ahtao totapasẽme exĩko mana, nohpo roropa totapasẽme exĩko mana.

Rewitiku 24:17

— “Imepỹ etapahpono taorihmaposẽme exĩko mana.

Zakaria 3:4

Mame takorehmananomo a Jozue zupõ toupose Ritonõpo nenyokyhpyry a. Imeĩpo ynara tykase ynororo: — Moro sã oorypyry tõ korokãko ase. Seromaroro upo kasenato ke amurũko mase.

Mateu 14:10

Morara exiryke João zupuhpyry tyhkohse soutatu tomo a, ãpuruhpyry tao ahtao ro.

Ruka 15:21

Morarame ynara tykase imũkuru: “Papa, oehno ropa. Iirypyryme rokẽ ase Ritonõpo a, oya, enara. Otarãme omũkuru kara ase, popyra jexiryke,” tykase imũkuru tumy a. “Arypyra, umũkuru ro mase,” tykase jumy eya.

Ruka 18:13

— Mame mokyro, kowenu tinerũ poko erohkety ameke rokẽ toexikihmase Ritonõpo a tõturutohme. Kakoxi osenuhmara kynexine Ritonõpo ẽpataka, popyra toexiry enetuputyryke tyya. Toepurotõtõmase ynororo toemynyhmaryke. Ynara tykase ynororo: “Ritonõpo, iirypyryme rokẽ ase, nupunato kueneko myhene,” tykase ynororo.

Atos 2:37

Morarame toemynyhmase toto Peturu omiry etaryke tyya xine: — Morara ahtao oty rĩko ynanah? tykase toto Peturu tomo a, tõturupose.

Epereu 9:26

Okyno orikyry sã rokẽ Jezu orikyry ahtao otootomose orikyry, sero nono ritopõpyry poe ro. Yrome tõsenepose kyya xine toiro sero nono enahsasaka ahtao kyyrypyrykõ jamitunuru enahkatohme jũme. Moro poko kynorihne kymyakãkõme.

1 João 1:7

Mãpyra saeremao exiketõ sã kuahtao xine kyyrypyrykõ poko pyra sytatose. Morara ahtao osepeme exĩko sytatose. Mame Jezu Ritonõpo mũkuru kyyrypyrykõ kurikãko mana kukurohtao xine tumunuru ke.

Apokaripxi 1:5

Jezu Kyrixtu a roropa kure oriporykõ se ase. Kutuarõtanohnekõme mana, zae aomiry exiryke. Aẽsemamyhpyry ropa ynororo osemazuhme toorihxĩpo. Imeĩpo kuẽsemãkapotorỹko ropa mana tõsemãtopõpyry ropa saaro. Tuisa tõ esẽme mã ynororo. Kypyno xine roropa mana. Toorikyry ke tymyhpokase ropa sytatose eya, kyyrypyrykõ poko pyra kuehtohkõme,

1 Samueu 15:20

— Yrome Ritonõpo omihpyry omipona exiase. Aomihpyry omi poe ytoase. Tuisa Akake enepyase. Imehnõ amarekita tõ emero etapase.

1 Samueu 15:30

— Tyyrypyhpyke ase, tykase ropa Sauu. — Ajohpãme sã kure kuekaroko Izyraeu tõ esẽ neneryme, imoihmãkõ neneryme roropa. Ymaro eropa Ritonõpo Oesẽ eahmase oximaro, tykase.