2 Samueu 11:26 - Ritonõpo Omiry: A Bíblia Sagrada na língua Aparai do Brasil

²⁶ Mame tynio orihtopõpyry poko totase ahtao Pate-Sepa, Uria pyty a, tyxitase ynororo ipoko.

2 Samueu 11:26 ပူးပေါင်းရင်းမြစ်များ

Jenexi 27:41

Morarame takorõ zehno toehse Ezau, kure Jako tyripose jũkomo a exiryke. Mame ynara tõsenetupuhse ynororo: “Okynã pyra papa orihnõko mana. Moromeĩpo tyhnamokehse ahtao jakorõ etapãko ase.”

Jenexi 50:10

Toeporehkase toto ahtao Atate pona, tuna Joatão poe xixi tũtatoh wino tiriiku poko erohtoh pona, tyxitase toto, ihnamõko okynahxo. 7me ẽmepyry taropose Joze a moroto tumy hnamory poko.

2 Samueu 11:25

Mame ynara tykase Tawi omi arohpono a: — Ynara kaxita Joape a: “Emynyhmara exiko toitoine kysoutatu kõ totapase exiry poko. Toipe osetaparyhtao toitoine orihnõko. Naeroro ajamihtatoko ropa moro pata poremãkapotohme oya xine,” kaxita eya orẽpyra aehtohme ropa, tykase Tawi.

2 Samueu 14:2

Naeroro typoetory tonyohse Joape a Tekoa pona nohpo, tuaro exikety, enehtohme tyya. Ynara tykase eya: — Emynyhmakety sã exiko. Upo amuruko xitakety zupõ sã exikety, oũsety onekurinara exiko. Xitakehpyra exiketõ ipoenohko.

2 Samueu 3:31

Mame ynara tykase Tawi Joape a imarõkomo a roropa. — Oxitatoko Apinea orihtopõpyry poko. Oupõkõ ixihkatoko roropa oemynyhmarykõ enetupuhpotohme. Osemazuhme ytotoko zonẽtoh pona. Mame Apinea ekepyry ẽ mykapo toytose tuisa Tawi.

1 Tuisa 21:16

Mame tuaro toehse Akape ahtao Napote orihtopõpyry poko, toytose ynororo osesarise Napote narykahpyry pona.

Teuteronomiu 34:8

Mame 30me ẽmepyry pune tyxitase Izyraeu tomo moroto Moape nonory po, ona pipahmã po, Moeze hnamoryme.

1 Samueu 31:13

Moromeĩpo jehpyrykõ tarose eya xine zonẽtohme wewe zopikoxi Jape pona, mame 7me tõmehse toto otuhpyra, enara.