2 Samueu 10:3 - Ritonõpo Omiry: A Bíblia Sagrada na língua Aparai do Brasil

³ Amõ põkõ tamuximãkõ ynara tykase tutuisarykomo a: — Oty enetupuhnõko mah mokaro Tawi nenyohtyã poko? Omy orihtopõpyry poko emynyhmãko nae, topeme oriry poko nae? Nary, tykase toto. Tonehpose sãtã mã toto Tawi a kypatarykõ enetohme, tuaro ehtohme, imeĩpo kyporemãkatohkõme, tykase toto.

2 Samueu 10:3 ပူးပေါင်းရင်းမြစ်များ

Jenexi 42:16

Toiro ytõko amarokomo mokyro enehse xiaro. Yrome amarokomo ãpuruhpyry taka ytõko, mokyro oehtoh pona ro, ajohpe pyra oexirykõ waro jehtohme. Zae pyra awahtao xine yna enese moehtou jamihme pyra yna ehtoh waro oehtohkõme.

Jenexi 42:9

Wenikehpyra kynexine Joze tõsenehtopõpyry poko toto poko. Ynara tykase ynororo eya xine: — Yna epekara matose. Yna enese moehtou, jamihme pyra yna ehtoh waro oehtohkõme.

2 Samueu 3:25

Mokyro Apinea, Nea mũkuru waro mase, onekunohto ynororo. Oenese rokẽ noehno atamorepase oytory poko, onyriry poko, enara.

1 Koronika 19:3

amonita tõ tamuximãkõ ynara tykase tutuisarykomo a: — Osenetupuhnõko mah mokaro Tawi nenyohtyã omy orikyry poko emynyhmãko? Osepeme oeahmãko toh nae? Nary, tykase toto. Tonehpose sãtã mã toto Tawi a kypatarykõ enetohme, atamorepatohme, kyporemãkapotohkõme, tykase toto.

1 Korĩtiu 13:5

Imehnõ pyno jahtao putupyra exiketõ sã pyra ase. Zae rokẽ ase. Osepyno rokẽ pyra ase. Yamene se pyra roropa ase. Axi hkopyra imehnõ zehno exĩko ase. Eya xine tyyryhmase jahtao onemetakãmara ase.

1 Korĩtiu 13:7

Imehnõ pyno jahtao penekehpyra ase kure toto ehtoh eraximary poko. “Emero ikurãkary waro Ritonõpo mana,” ãko ase. “Kure toto riry poko onymomohkehpyra sehtone,” ãko. Toto anarypopyra roropa ase, enara.