2 Samueu 1:17 - Ritonõpo Omiry: A Bíblia Sagrada na língua Aparai do Brasil

¹⁷ Mame eremiatoh tymerose Tawi a Sauu tõ hnamotohme, imũkuru Jonata maro.

2 Samueu 1:17 ပူးပေါင်းရင်းမြစ်များ

Jenexi 50:11

Mokaro ixitarykõ eneryke tyya xine: “Tõsenuruhkase moro põkomo mokaro Ejitu põkõ xitary etaryke tyya xine.” Naeroro moro tosehpase eya xine Apeu-Miziraĩme.

2 Samueu 1:19

Kutuisarykõ imehxo mã toorihse, ypy tõ po, Izyraeu tõ nonory po! Orẽpyra exiketõ soutatu tõ toorihse toto!

2 Samueu 3:33

Ynara toremiase Tawi tyxitaryme Apinea poko: “Oty katoh Apinea norikyase, putupyra exikety orihmapory samo?

2 Koronika 35:25

Mame ihnamotopõpyry tymerose Jeremia a Joxia imehxo ehtopõpyry poko, ekepyry zonemyryhtao. Moro ihnamotopõpyry poko toremiase toto eremiaketomo a Izyraeu patary tõ po, nohpo tomo, orutua kõ roropa, Joxia hnamoryhtao eya xine. Moro eremiatoh nae ro imehnõ hnamotoh maro.

Saumu 35:14

Oturuase Ritonõpo a jepe poko jotururu samo, jakorõ poko sã roropa. Toytoytose ywy tupuehme samo, jemynyhmaryke, xitakety sã tyse poko.

Ezekieu 32:16

— Moro enaroximatoh poko eremiãko mã nohpo tomo, imehnõ nonory põkomo Ejitu hnamoryme, inonory põkõ maro emero. Ywy, Ritonõpo Oesẽkomo, oturuno.