2 Peturu 2:12 - Ritonõpo Omiry: A Bíblia Sagrada na língua Aparai do Brasil

¹² Onokyro nae tuosẽme, tõsẽme. Mokaro sã mã mokaro zae pyra imehnõ amorepananomo. Ikuremahnõ sã ytoytõko mã toto. Emero rokẽ poihtõko mã toto onenetupuhpyra toexirykõke, tysã xine pyra exiryke. Onokyro etapary sã toto enahkapõko Ritonõpo mana.

2 Peturu 2:12 ပူးပေါင်းရင်းမြစ်များ

Saumu 49:10

Ynara enẽko sytatose: tuaro exiketõ ro orihnõko mã toto, tuaro pyra exiketõ morararo, putupyra exiketõ morararo. Tymõkomorykõ nomõko mã toto emero imehnõ mõkomoryme.

Saumu 92:6

Tuaro pyra exikety zuaro pyra mana, putuhtome exikety sero onenetupuhpyra roropa mana:

Saumu 94:8

Tamuxi tomo, putupyra exiketõme pyra ehtoko! Otara ahtao tuaro exĩko matou?

Porowepio 14:32

Popyra exiketõ osenahkãko mã toto popyra tynyrityã ke, yrome zae ehtoh poko exiketõ towomase mã toto zae inyrityã exiryke.

Jeremia 10:21

Ynara tykase ywy: “Kutuisarykõ tuaro pyra mã toto; onekaropopyra mã toto Ritonõpo Kuesẽkomo a takorehmapotohkõme. Morara exiryke torẽse mã toto, kuekyrykõ sapararahme toehse roropa mã toto.

Jeremia 10:8

Mokaro emero zuaro pyra mã toto, putupyra exiketõ sã mã toto. Toto anamorepara ineponãmarykõ wewe risẽ mana?

Jeremia 12:3

Yrome omoro, Ritonõpo juaro mase; ynyriry enẽko mase, ose jehtoh waro mase. Ritonõpo, mokaro itywyhmako kaneru samo etapatoh taka; toto apiakako ikurãkatohme toto etapatoh pona.

Jeremia 4:22

Ynara ãko Ritonõpo mana: “Ypoetory tõ tuaro pyra mã toto, juaro pyra roropa mã toto. Poeto pitiko sã mã toto, putupyra rokene, onenetupuhpyra mã toto. Popyra ehtoh poko tuarohxo mã toto. Yrome zae ehtoh poko zuaro pyra mã toto ipunaka.”

Jeremia 5:4

Mame osenetuputyase: “Tuaro pyra exiketõ rokẽ moro sã mã toto. Mokaro ajoajohpe sã mã toto. Ise Ritonõpo ehtoh waro pyra mã toto. Inyripohpyry waro pyra roropa mã toto.

Ezekieu 21:31

Ozehno xine jehtoh ke awãnohtorỹko ase, apoto ke azahkatoh kõ sã ozehno xine jehtoh exĩko mana. Ozehno xine exiketomo a oekarotorỹko ase oenahkatohkõme.

Maku 7:22

imehnõ mõkomory poko penetãko te, imehnõ ryhmary poko te, imehnõ enekunopyry poko te, typenetatoh xihpyry poko te, imehnõ zumoxike exiry poko te, imehnõ kerekeremary poko te, tõsenetaonopyry poko te, ajoajohpe ehtoh poko, enara.

João 8:21

Morarame ynara tykase ropa Jezu eya xine: — Ytõko ropa ase. Mame jupĩko matose. Yrome oorypyrykõ maro orihnõko matose. Ymaro ytosaromepyra matose, tykase eya xine.

Karaxia 6:8

Moro saaro oorypyrykõ poko awahtao xine oorypyrykõ epehpyry apoĩko ropa matose. Orihnõko matose jũme. Yrome Ritonõpo Zuzenu omipona awahtao xine, orihpỹme exĩko matose jũme, Ritonõpo Zuzenu poe.

Koroxi 2:22

Morohne enahketyme mã kehko. Axĩtao rokẽ mã kehko emero porehme. Morohne ahno omiryme rokẽ mana, ahno namorepatopõpyryme rokẽ roropa mana.

2 Peturu 1:4

Morara exiryke tynekarory kurã tokarose kyya xine tõmihpyry ae ro, kyyrypyrykõ xihpyry poko pyra kuehtohkõme. Onenetupuhpynõ sã pyra kuehtohkõme roropa tynekarory kurã tokarose kyya xine, mokaro osenetupuhtoh sã pyra kuosenetupuhtohkõ ehtohme, Ritonõpo osenetupuhtoh sã rokẽ kuosenetupuhtohkõ ehtohme.

2 Peturu 2:19

“Emero rokẽ ehtoh poko kure. Kypenetatoh poko kuexirykõ kure roropa. Kypynanohtorỹko Ritonõpo mana,” ãko toh mã repe. Ajohpe rokẽ mã toto. Yrome zae ehtoh waro pyra mã toto. Zae ehtoh se kuahtao xine zae ehtoh poko rokẽ sytatose exĩko. Yrome kyyrypyrykõ se kuahtao xine, kyyrypyrykõ poko rokẽ exĩko sytatose. Naeroro zae ehtoh waro pyra mokaro mana tyyrypyrykõ se toexirykõke.

Juta 1:10

Yrome mokaro Ritonõpo se pyra exiketõ mã imehnõ poihtõko mã toto, onenetupuhpyra toexirykõke. Tamoreme tuaro mã toto onokyro samo. Naeroro zuaro toehtohkõke osenahkãko mã toto.