2 Peturu 1:14 - Ritonõpo Omiry: A Bíblia Sagrada na língua Aparai do Brasil

¹⁴ Zuaro ase. Okyna hkopyra orihnõko ase, Kuesẽkõ Jezu Kyrixtu nurutopõpyry ae ro.

2 Peturu 1:14 ပူးပေါင်းရင်းမြစ်များ

Izaja 38:12

Isene jehtoh tonahse rahkene, kaneru pyno exikety tapyinỹpyry samo, tykararahse ropa ahtao, kamisa sã roropa tapopohse ahtao. Saereme ahtao, koko roropa jorihmanohpõko Ritonõpo mana, moro sã ekaroase repe.

João 13:36

— Aza ytõko mah? tykase Ximão Peturu. Ynara tykase Jezu eya: — Ymaro ytosaromepyra matose seromaroro. Yrome imeĩpo matose ya ytõko, tykase Jezu.

Atos 20:25

— Toytoytose ywy Ritonõpo omiry ekarose oya xine, oesẽkõme aexiry poko. Taroino jũme jenezomopyra matose sero nono po, tykase Pauru toto a.

2 Korĩtiu 5:1

Tapyi sã axĩtao rokẽ kuokokõ mana sero nono po. Morarame toorihse kuahtao xine kuekepyrykõ rumekãko sytatose. Mame imepỹ kuokokõ myakã nae Ritonõpo mana kapu ao. Tynyrihpyry ekarõko kyya xine mana kytapyĩkõme, jũme exiketyme.

Teuteronomiu 31:14

Mame ynara tykase Ritonõpo Moeze a: — Okynã pyra orihnõko mase. Jozue ikohmako oximaro oytotohme Ytapyĩ Kurã taka. Moroto ynyripohpyry ekarõko ase Jozue a. Mame toytose Moeze Jozue maro

2 Timoteu 4:6

Okyna hkopyra jorihtoh toehse nase. Yrome torẽtyke pyra ase jorikyry poko.

Jozue 23:14

Seromaroro joorihtoh moe pyra toehse nase. Tuaro matose okurohtao xine, Ritonõpo Kuesẽkomo a kykyryrykõ kurã emero tokarose kyya xine tõmihpyry ae ro. Tõmihpyry ae emero tyrise eya; ekurehpyra ipunaka.

2 Peturu 1:13

Orihpyra ro jahtao zae jotururu oya xine aomiry kurã poko, wenikehpyra oehtohkõme.