2 Koronika 2:7 - Ritonõpo Omiry: A Bíblia Sagrada na língua Aparai do Brasil

⁷ Morara exiryke orutua enehpoko ya, emese kure exikety toerokuru poko uuru poko te, parata te, metau te, kurimene roropa; kamisa riry poko roropa, puupura te, kamirarame te, ezuezume te, wewe poko toerokuru waro roropa exikety. Erohketõ tarõkõ maro erohnõko mana, Juta po Jerusarẽ po roropa, papa nymenekatyã maro.

2 Koronika 2:7 ပူးပေါင်းရင်းမြစ်များ

1 Tuisa 10:11

Mame Hirão wapu tõ ae uuru tonehse Opia nonory poe, wewe roropa tonehse sãtaro, joia tõ kurã roropa.

1 Tuisa 7:14

Jumỹpyry roropa, Tiro põ, emese kure kynexine metau riry poko. Jeny juteume kynexine Napatari paryme. Hurã tuaro exiketyme kynexine. Toerokuru waro roropa kynexine. Toahmase ahtao tuisa Saromão a metau poko erohketõ tuisaryme ehtohme, tymoise eya rahkene.

Izaja 28:26

Zae rokẽ emero arykãko mana tamorepase toexiryke Ritonõpo a.

Izaja 28:29

Ritonõpo Jamihmehxo Exikety poe tuaro exĩko sytatose. Tuaro toexiryke tomeseke sã tõsenetupuhtopõpyry ae tyrĩko mana. Tuaro kuhse mã ynororo emero riryhtao eya.

Izaja 60:10

Ynara ãko Ritonõpo Jerusarẽ põkomo a: “Imehnõ nonory põkõ apatary apuru rĩko ropa mã toto, ituisary tõ erohnõko mã toto opoetorykõme. Ozehno xine jehtopõpyryke kuãnopyatose, yrome opyno xine ase, awãnohpyra ropa exĩko ase.

Ezekieu 27:5

Oriryhtao, wewe pinijo tonehse ypy Heremõ poe, wapu kyryry xikihme exiketyme apupari tonehse Ripano poe.