2 Koronika 13:9 - Ritonõpo Omiry: A Bíblia Sagrada na língua Aparai do Brasil

⁹ Ritonõpo maro oturuketõ, Arão pakomotyã taropose oya xine owinoino xine. Toto myakãme emero rokẽ tyrise oya xine, Ritonõpo waro pyra exiketõ nyriry samo. Emero rokẽ oturuketyme se tahtao xine, pui orutua enepyryhtao eya, pui pyra ahtao 7me kaneru tõ enepyryhtao eya, oturuketyme exĩko oneponãmarykõ poko exikety.

2 Koronika 13:9 ပူးပေါင်းရင်းမြစ်များ

1 Tuisa 13:33

Morara ahtao ro tuisa Jeropoão tyyrypyry onurumekara kynexine. Emero rokẽ, Rewi pakomotyã kara, tyrise eya tynekarory zahkatoh poko erohketõme, tynyrityã poko, tyneponãmarykõ eahmatoh poko. Ise exiketõ tymenekase eya okyno zahkary poko erohtohme.

2 Tuisa 19:18

Ineponãmarykõ wewe risẽ tomase eya xine apoto htaka toto enahkatohme, asã pyra toto exiryke. Tyrityãme rokẽ exiryke, wewe risã rokene, topu risamo, enara.

1 Koronika 29:5

moro tapyi mõkomory ritohme, tyriryhtao emese kure exiketomo a. Seromaroro onoky roropa tynekaroryme tineru ekarory se Ritonõpo a?

2 Koronika 13:10

— Yrome asã xine pyra ynanase. Yna Esẽme Ritonõpo mana. Aomiry onurumekara ynanase. Yna oturuketõ Arão pakomotyãme mã toto. Ritonõpo poetoryme mã toto. Toto akorehmananõme rewita tõ mana.

2 Koronika 29:31

Mame ynara tykase Ezekia imoihmãkomo a: — Seromaroro tõsekarose oexirykõke Ritonõpo a aomipona oehtohkõme, onekarorykõ enehtoko eya eahmatohme, “Kure mase,” katohme eya. Aomiry omipona toehse toto. Toitoine okyno tonehse eya xine jahkatohme tynekarorykõme Ritonõpo a.

Exutu 29:1

Mame ynara tykase Ritonõpo Moeze a: — Ynara tyriko Arão tõ menekaryme imũkuru tõ maro, erohtohme ymaro oturuketõme. Pui mũkuru apoiko wãtara ro exikety kaneru tõ asakoro ahmitatyã kara rokene.

Exutu 29:29

— Toorihse oturukety Arão ahtao zuponỹpyry tokarosẽme exĩko imũkuhpyry tomo a. Moro upo amurũko mã toto tymenekase toto ahtao ymaro oturuketyme.

Exutu 29:35

— Jomihpyry ae ro 7me ẽmepyry aropoko oseahmary poko Arão menekary poko imũkuru tõ maro ymaro oturuketõme toto ehtohme.

Exutu 32:29

Ynara tykase Moeze Rewi tomo a: — Seroae omũkuru tõ totapase oya xine, ãkorõ tõ maro. Morara tyrise oya xine exiryke, tapiakase matose Ritonõpo Kuesẽkõ maro oerohtohkõme. Aomipona oexirykõke kure rokẽ oritorỹko Ritonõpo mana, seroae ro.

Jeremia 2:11

Imepỹ nonory põkõ tyritõ onymyakãmara tyneponãmary panõ ke, isene pyra exiketõ ke, tynyrihpyrykõ ke, toponãmasã ajohpe exikety ke. Yrome ypoetory tomo a tymyakãmase ywy, Ritonõpo kurã, Imehxo Exikety tymyakãmase eya xine, toponãmasã panõ ke, tynyrityã ke, isene pyra exiketõ ke, anakorehmara exiketõ ke.

Jeremia 5:7

Ynara ãko Ritonõpo, ekaropõko: “Oty katohme ypoetory tõ rypyry korokãko ha? Turumekase ywy eya xine. Imehnõ neponãmary eahmãko mã toto, ajohpãkomo. Ypoetory tõ tonahpase ya, tuesapare toto ehtoh pona. Yrome imehnõ poko toehse toh nexiase, imeimehnõ poko exiketõ maro toehse toto.

Ozeja 8:6

Mokyro pui mũkuru panõ tyrise Izyraeume exikety a tyneponãmaryme, moro Ritonõpome pyra mana! Mokyro pui mũkuru panõ toahmase Samaria po, tytohkasẽme exĩko mana.

Rewitiku 16:32

Oturukety imehxo exikety typopase exikety tumy myakãme upo amurũko mana oturukety zupõ ke mauru panõ risemy;

Rewitiku 8:2

— Arão tõ aroko imũkurukõ maro Ytapyĩ Kurã omõtoh taka. Oturukety zupõ aroko, azeite maro ipopatohme, pui mũkuru maro onekaroryme iirypyry korokapotohme te, asakoro kaneru tomo te, ruto roropa pehme pão tiriiku risẽ ke, iporutatoh maro pyra.

Atos 19:26

Yrome mokyro kahpyry omiry etãko matose. Enẽko roropa matose. Kynyrihpyrykõ rumekapõko mana imoihmãkomo a Epezu põkomo a rokẽ pyra, Azia põkomo a roropa kynyrihpyrykõ rumekapõko mana: “Ritõ kara moxiamo, ahno nyrityã rokene,” ãko mana kynyrihpyrykõ poko.

Karaxia 4:8

Apitoryme Ritonõpo waro pyra mexiatosene. Morara exiryke imehnõ neponãmary omipona mexiatose. Ritonõpo poetoryme pyra mexiatose roropa.

Teuteronomiu 32:17

Okyno tõ totapase eya xine jahkatohme tynekarorykõme joroko tomo a, Ritonõpo a pyra, imehnõ neponãmarykomo a. Mokaro waro exipitopyra toh kynexine, zuaro pyra itamurukõ roropa toh kynexine.