2 Koronika 1:1 - Ritonõpo Omiry: A Bíblia Sagrada na língua Aparai do Brasil

¹ Mame tuisa Saromão, Tawi mũkuru tyjamihtase tuisame toexiry poko, Izyraeu tõ esẽme. Kure tyrise ynororo Ritonõpo a, orẽpyrahxo tyrise roropa ynororo eya.

2 Koronika 1:1 ပူးပေါင်းရင်းမြစ်များ

Jenexi 21:22

Morarame Apimereke toytose oturuse Aparão maro. Tymaro takorehmane Pikou tarose, soutatu tõ tuisary. Ynara tykase Apimereke Aparão a: — Ritonõpo amaro mana. Ãkorehmãko mana onyriry tõ poko emero.

Jenexi 39:2

Kure rokẽ Joze tyrise Ritonõpo a, imaro exiryke. Tosẽ Potipaa tapyĩ tao Joze kynexine, emero poko emese kure kynexine.

Jenexi 39:21

Yrome Ritonõpo imaro kynexine, kure rokẽ tyrise ynororo eya, ãpuruhpyry esẽ zamaro toehse ynororo.

Jenexi 39:3

Mame Joze maro Ritonõpo ehtoh tonese esemy a, emero poko kure rokẽ tyrise ynororo Ritonõpo a exiryke.

1 Tuisa 2:12

Morarame tumy Tawi myakãme toehse Saromão, Izyraeu tõ esẽme. Mame tyjamihtase ynororo Izyraeu tõ tuisaryme toexiry poko.

1 Tuisa 2:46

Mame tuisa omi poe Penaia toytose Ximei etapase. Naeroro orẽpyra toehse Saromão Izyraeu tõ esemy.

1 Koronika 17:8

Amaro exiase oyoytoryhtao, emero pata tõ poro. Oepetõkara tonahkase ya oneneryme. Taroino imehxo orĩko ase, imehnõ imehxo exiketõ samo, sero nono po.

1 Koronika 22:11

Tõturuse ro Tawi: — Seromaroro aimo, Ritonõpo Oesẽ, amaro se ase. Aomihpyry ae ro ãkorehmary se ase orẽpyra oehtohme tapyi kurã riry poko itapyĩme.

1 Koronika 22:16

uuru poko te, parata poko te, metau te, kurimene roropa te, erohketõ ikuhpỹme. Naeroro tyriko kẽty. Mame Ritonõpo ãkorehmãko mana.

1 Koronika 29:23

Naeroro tumy Tawi myakãme Saromão toehse Izyraeu tõ tuisaryme. Orẽpyra toehse ynororo tuisame. Aomiry omipona toehse Izyraeu tõ emero.

1 Koronika 29:25

Morarame Ritonõpo poe orẽpyra Saromão toehse Izyraeu tõ neneryme. Imehnõ tuisa tõ motye tuisamehxo Saromão tyrise eya.

1 Koronika 29:30

Mokaro nymerohpyry ekarõko aerohtopõpyry poko te, orẽpyra aehtopõpyry poko te, emero ehtopõpyry ipoko te, Izyraeu tõ nonory poko te, imehnõ nonory poko roropa Izyraeu tõ nonory zomye, enara.

2 Koronika 32:23

Mame ahno tuhke tooehse Jerusarẽ pona tynekarorykõ enehtohme Ritonõpo a te, mõkomo ekarotohme Ezekia a roropa. Tuisamehxo Ezekia ehtoh tonetupuhse imehnõ nonory põkomo a exiryke.

Exutu 3:12

Ynara tykase Ritonõpo: — Amaro exĩko ase. Ypoetory tõ enepyryhtao oya Ejitu poe, sero ypy pona oehnõko matose jeahmase. Morara toehse ahtao tuaro exĩko matose ywy roro kuenyohno.

Mateu 28:20

Amorepatoko toto emero jomipona toto ehtohme, ãmorepatopõpyrykõ omipona toto ehtohme. Etatoko pahne, amaro xine ase jũme joepyry ropa ponãmero, tykase Jezu eya xine. Enara.

Jozue 3:7

Mame ynara tykase Ritonõpo Jozue a: — Yjamitunuru eneryke tyya xine seroae, tuisame imehxo oexiry poko tuaro exĩko Izyraeu tõ mana emero. Moeze maro jehtopõpyry sã amaro jexiry waro exĩko mã toto tykase Ritonõpo Jozue a.