1 Tuisa 9:4 - Ritonõpo Omiry: A Bíblia Sagrada na língua Aparai do Brasil

⁴ Zae rokẽ jomiry omipona awahtao, ajohpe pyra awahtao, omy Tawi jomihpyry omipona ehtopõpyry saaro te, emero ynyripohpyry riryhtao oya,

1 Tuisa 9:4 ပူးပေါင်းရင်းမြစ်များ

Jenexi 17:1

Morarame 99me jeimamyry taropose Aparã ahtao tõsenepose ropa Ritonõpo eya, ynara tykase ynororo eya: — Ywy ase Ritonõpo Jamihmehxo Exikety. Jomiry omipona exiko, zae ehtoh poko rokẽ exiko roropa.

Jenexi 20:5

Mokyro ro, Aparão morara tykase: “Woryxiry mose ro, Sara,” tykase ynororo. Morara tykase roropa nohpo. Zae rokẽ se exiase. Imepỹ pyty apoiry se pyra akene ipunaka, tykase.

2 Samueu 22:22

Ise Ritonõpo ehtoh tyrise ya, yyrypyry poko pyra ase, Kuesẽkõ onurumekara ase.

1 Tuisa 11:38

Jomiry omipona awahtao yronymyryme, zae ehtoh poko awahtao, jomihpyry omipona awahtao ypoetory Tawi ehtopõpyry saaro, amaro jũme exikehpyra ase. Izyraeu tõ esẽme orĩko ase. Mame Tawi ritopõpyry sã ya opoenõ, apakõ roropa rĩko ase tuisame omyakãme.

1 Tuisa 11:4

Mame tamuhpõme toehse ynororo ahtao imeimehnõ neponãmary toahmase eya typyxiã pokoino. Ritonõpo omiry omipona pyra toehse ynororo, jumy Tawi ehtopõpyry sã pyra.

1 Tuisa 11:6

Tyyrypyry poko toehse ynororo. Ritonõpo zamaro ehtoh onymoipyra kynexine, jumy Tawi ehtopõpyry sã pyra.

1 Tuisa 14:8

Tuisame Tawi pakomotyã ehtoh tupuxihkase ropa ya, ekarotohme oya. Yrome Tawi ehtopõpyry sã pyra toehse mase. Jomiry tymoise eya, jomihpyry omipona toehse. Ise jehtoh tyrise eya yronymyryme, ynyripohpyry tyrise eya rahkene.

1 Tuisa 15:5

Morara tyrise Ritonõpo a tyamaro Tawi nyrihpyry exiryke inyripohpyry omipona yronymyryme Tawi exiryke roropa, yrome Uria, heteume exikety poko zae pyra Tawi kynexine.

1 Tuisa 3:14

Mame jomihpyry omipona awahtao, tomeseke awahtao jomiry poko, omy Tawi jomipona ehtopõpyry samo, okynã sã isene orĩko ase tamuhpõme oehtoh pona, tykase sã Ritonõpo eya aosenety.

1 Tuisa 3:3

Ritonõpo pyno Saromão kynexine. Tumy Tawi namorepatopõpyry omipona kynexine, yrome okyno totapase eya jahkatohme imeimehnõ ypy tõ po tynekaroryme Ritonõpo a.

1 Tuisa 3:6

Mame tozuhse sã eya: — Papa Tawi pyno mexiase zae ehtoh se aexiryke, ajohpe pyra aexiryke roropa oneneryme. Mame imũkuru tyrise oya tuisame imyakãme seroae ro.

1 Tuisa 6:12

— Jomihpyry omipona awahtao, ynyripohpyry tõ roropa omipona awahtao orĩko ase ynekarohpyry ae ro omy Tawi a.

1 Tuisa 8:25

Seromaroro Ritonõpo, Izyraeu tõ Esemy, ajohpãme sã õmihpyry akorõ roropa tyriko. Ynara mekarone papa netaryme: “Jũme omũkuru, apakõ roropa toiro, tuisame exikehpyra exĩko mana Izyraeu tõ esẽme, tomeseke õmiry omipona exikehpyra toto ahtao, Tawi saaro.”

2 Tuisa 20:3

— Ritonõpo, yna Esemy, wenikehpyra exiko opoetoryme jehtoh poko. Õmihpyry omipona ase yronymyryme. Onyripohpyry ya tymoise ya ipunaka kokoro rokene. Mame tyxitase tãtasamaryke yronymyryme.

2 Koronika 17:4

tumy Esẽ Ritonõpo toahmase, aomihpyry omipona kynexine. Izyraeu tõ tuisary nyrityã onypoenohpyra kynexine.

Saumu 101:2

Zae ehtoh poko rokẽ exĩko ase. Otara ahtao oehnõko mah osẽpatakãmase ymaro? Kure ehtoh poko rokẽ exĩko ase ytapyĩ tao,

Saumu 128:1

Tãkye mã mokaro Ritonõpo omiry omipona exiketomo, inyripohpyry omipona exiketomo.

Saumu 15:2

Mokyro mã Ritonõpo omipona rokẽ exikety, zae rokẽ exikety imehnõ poko, aomiry ajohpe pyra roropa mana.

Saumu 26:1

Ritonõpo Jesemy, zae exiketyme kuekaroko zae ehtoh poko jexiryke, oenetuputyryke ya roropa yronymyryme.

Saumu 26:11

Yrome ywy, zae ehtoh poko rokẽ ase, kypynanohko, juãnohpyra exiko roropa.

Saumu 78:72

Tomeseke sã Izyraeu tõ pyno Tawi kynexine, zae rokẽ exiketyme, tuaro roropa kynexine toto tuisaryme toehtoh poko.

Porowepio 10:9

Ajohpe pyra exiketõ towomase mã toto, torẽtyke pyra mã toto, yrome ajohpe exiketõ tapoisẽme exĩko mã toto.

Porowepio 20:7

Tãkye mã poetohti tumykõ ajohpe pyra exiketyme ahtao, zae ehtoh poko exiketyme roropa ahtao.

Porowepio 28:18

Ajohpe pyra exikety osewomãko mana, yrome ajohpe exikety mõtoino rokẽ orẽnõko mana.

Ezekieu 18:9

Jomihpyry omipona mana, tomeseke sã ynyripohpyry rĩko roropa mana. Mokyro zae exiketyme mana, isene exĩko mana, ãko Ritonõpo Oesẽkomo.

Zakaria 3:7

— Ynara ãko Ritonõpo Jamihmehxo Exikety oya: “Ynyripohpyry omipona awahtao, oerohtoh roropa riryhtao oya jomihpyry omipona, tuisame exĩko mase Ytapyĩ tao. Jesary kurã pyno exĩko mase, imehnõ osa tõ roropa emero. Mame moxiã ynenyokyhpyry tõ sã jẽpataka omõnõko mase.

Ruka 1:6

Mokaro oximaro kure rokẽ toh kynexine Ritonõpo a. Ritonõpo omipona toh kynexine ipunaka, inymeropohpyry omipona roropa toh kynexine.

Teuteronomiu 28:1

Tõturuse Moeze Izyraeu tomo a, ynara tykase: — Tomeseke awahtao xine Ritonõpo Kuesẽkõ omiry omipona oehtohkõme, inyripohpyry tõ ynekarohpyry oya xine seroae anamonohpyra awahtao xine moro omipona oexirykõ poko, imehnõ ahno motye jamihme oritorỹko Ritonõpo mana, orẽpyrahxo oehtohkõme sero nono po.