1 Tuisa 8:60 - Ritonõpo Omiry: A Bíblia Sagrada na língua Aparai do Brasil

⁶⁰ Morarame emero ahno, sero nono põkõ tuaro exĩko, omoro rokẽ Ritonõpome mase, imepỹ pyra mana.

1 Tuisa 8:60 ပူးပေါင်းရင်းမြစ်များ

1 Tuisa 18:39

Mame moro eneryke tyya xine tõsenuruhkase toto, Izyraeu tomo. Tosekumurukõ po typorohse toto tõmytykõ nono pokoxi. Ynara tykase toto: — Ritonõpo yna Esemy, Ritonõpo nymyry mase. Omoro rokẽ Imehxo Exiketyme mase yna Esemy, tykase toh rahkene.

1 Tuisa 8:43

aotururu oya etako. Kapu ao, oesao aomiry etako. Tyriko roropa inyripohpyry oya, sero nono põkõ emero awaro ehtohme, õmiry omipona toto ehtohme, opoetory tõ Izyraeu tõ samo. Mame zuaro exĩko mã toto sero Tapyi ynyrihpyry oeahmatohme nymyry mana.

1 Tuisa 8:59

Ritonõpo yna Esemy, sero ynekaropohpyry oya, wenikehpyra exiko jũme. Yna, opoetory tõ, Izyraeu tõ pyno exikehpyra exiko, ituisarykõ maro, kokoro rokẽ yna pyno oexiry se yna exiryke.

2 Tuisa 19:19

Seromaroro yna esẽme mase, Ritonõpo. Naeroro yna ipynanohko yna onyporemãkapopyra Axiria põkõ ehtohme. Mame imehnõ nonory põkõ emero awaro exĩko mã toto. Omoro rokẽ Ritonõpome mase yna esẽme, tykase tõturuse Ezekia Ritonõpo a.

Exutu 6:7

Oritorỹko ase ypoetory tõme. Ywy Oesẽkõme exĩko ase. Tuaro exĩko matose Ritonõpome jexiry poko, Oesẽkõme, opynanopyrykohtao ya otuarimatohkõ wino Ejitu po.

Izaja 37:20

Seromaroro yna Esẽme mase, Ritonõpo. Naeroro yna ipynanohko yna onyporemãkapopyra Axiria põkõ ehtohme. Mame imehnõ pata põkõ emero awaro exĩko mã toto. Omoro rokẽ Ritonõpome mase yna Esẽme, tykase, tõturuse Ezekia Ritonõpo a.

Izaja 44:24

Kuesẽkõ, Izyraeu tõ Pynanohne, ynara ãko: “Ypoetory tomo, ywy ase Orihpõkomo; enurupyra ro awahtao xine kyriatose. Toiroro, senohne emero Rihpõme ase; myahxo kapu yrine te, sero nono yrine roropa, takorehmaneke pyra.

Izaja 44:6

Ynara ãko Ritonõpo mana Izyraeu tõ tuisary, Izyraeu tõ Ewomane, Jamihmehxo Exikety: “Ywy ase Apitorymano te, Etyhpyrymãme roropa, toiroro Ritonõpome ase, imepỹ ritõ pyra mana.

Izaja 44:8

Ypoetory tomo, enaromyra ehtoko, oserehpyra ehtoko! Zuaro matose, moino ro pake ehtopõpyry poe, oturuase senohne ehtoh poko. Eneneme matose ajohpe pyra jomiry ehtoh poko. Imepỹ ritõ nae? Arypyra! Imepỹ oewomane pyra mana; onenepitopyra exiase.”

Izaja 45:22

“Ahno tomo, sero nono põkõ emero, eramatoko ropa ya seromaroro typynanohsẽme oehtohkõme, ywy ro rokẽ Ritonõpome ase, imepỹ pyra mana.

Joeu 2:27

Mame amaro xine jehtoh waro exĩko matose. Ywy, Ritonõpo Oesẽkõme jehtoh waro exĩko matose, imepỹ ritõ pyra mana ipunaka. Mame ypoetory tõ onyporemãkapopyra ropa exĩko mã toto jũme.”

Teuteronomiu 4:35

Morohne emero tonepose Ritonõpo a oya xine Ritonõpome toexiry waro oehtohkõme; imepỹ ritõ pyra mana, ynororo rokene.

Teuteronomiu 4:39

— Zuaro ehtoko seromaroro, jũme wenikehpyra ehtoko roropa: Ritonõpo rokẽ Kuesẽkõme mana moroto kapu ao te, taro roropa sero nono po. Imepỹ ritõ pyra mana.

Jozue 4:24

Morara exiryke emero nonory põkõ Ritonõpo Oesẽkõ jamitunuru waro exĩko mã toto. Amarokõ roropa imehxo Aexiry enetupuhnõko matose, jũme.”

1 Samueu 17:46

Seroae ro oekarõko Ritonõpo mana ya. Oporemãkapõko ase. Oupuhpyry kohnõko ase. Mame kurumu zohme exĩko amaronõpo tõ mana, pirixteu tõ soutatu tõ ekepyry. Onokyro tõ zohme exĩko roropa matose. Mame sero nono põkõ emero zuaro exĩko Ritonõpo poko, Izyraeu tõ Esẽ poko.