1 Tuisa 8:36 - Ritonõpo Omiry: A Bíblia Sagrada na língua Aparai do Brasil

³⁶ toto omiry etako kapu ao. Toto rypyry ikorokako opoetory tõme Izyraeu exiryke. Amorepako toto zae ehtoh riry poko. Mame konopo enehpoko ropa ononory pona, onekarohpyry pona jũme opoetory tõ esaryme.

1 Tuisa 8:36 ပူးပေါင်းရင်းမြစ်များ

1 Tuisa 18:1

Moromeĩpo oseruao jeimamyry taropose ahtao konopo oehpyra ro kynexine. Mame ynara tykase Ritonõpo Eria a: — Ytoko osenepose tuisa Akape a. Konopo enehpõko ropa ase, tykase.

1 Tuisa 18:41

Mame ynara tykase Eria tuisa Akape a: — Seromaroro ytoko otuhse. Konopo oepyry etãko ase, konopo itamurume panaikato samo.

1 Tuisa 18:45

Mame okynã pyra kapu xinukutumehme sã toehse akurũ ke, tyryrykane toehpitose, konopo konõto toehpitose. Akape tõtyrise tykahu aka axĩ toytotohme ropa Jezereu pona.

Saumu 119:133

Kuakorehmako epukara jehtohme õmihpyry ae ro; yporemãkapopyra exiko roropa iirypyryme ehtoh ke.

Saumu 119:33

Ritonõpo Jesemy, kuamorepako onyripohpyry tõ poko tuaro jehtohme, jũme omipona exĩko ase.

Saumu 143:8

Ẽmepyry ae rokẽ kuruko ropa ypyno oehtoh poko, oenetuputyryke ya ypynanohneme. Oturũko ase oya; zae ehtoh riry poko tuaroh kamexipoko.

Saumu 25:12

Ritonõpo enetupuhnanõ tosẽkõme ipoe tuaro exĩko mã toto tosemarykõ poko zae toehtohkõme.

Saumu 25:8

Zae Ritonõpo mana, kure roropa, naeroro iirypyryme exiketõ amorepãko mana zae ehtoh poko toto ehtohme.

Saumu 27:11

Ritonõpo Jesemy, kuamorepako zae ehtoh poko õmiry omipona jehtohme. Kuaroko zae ehtoh poko jehtohme, kuewomako jepetõkara tuhke exiryke.

Saumu 32:8

Ynara tykase Ritonõpo Jesemy ya: “Ãmorepãko ase oesemary ae zae oytotohme; ãkorehmãko ase oesemary menekary poko, zae ehtoh enepõko ase oya tuaro oehtohme.

Saumu 5:8

Ritonõpo, jepetõkara tuhke mã toto! Kuakorehmako zae jehtohme, õmiry omipona jehtohme. Jesemary zae ehtoh poko enepoko ya epona jytotohme.

Saumu 68:10

Opoetory tõ tõsesarise moroto; kure oexiryke tonahsẽ mekaroase tymõkomokãkara a.

Saumu 68:9

Konopo itamurume menehpoase ononory kurãkatohme ropa, patãpome sã toehse exiryke.

Saumu 86:11

Ritonõpo Jesemy, kuamorepako ise oehtoh ritohme, mame õmiry omipona exĩko ase yronymyryme! Kuamorepako zae õmiry omipona jehtohme opyno jexiryke.

Saumu 94:12

Ritonõpo yna Esemy, tãkye mã mokaro tamorepase exiketõ oya, Õmiry poko anamorepatyamo.

Izaja 30:21

Oesemarykõ rumekaryhtao oya xine ãpotunuru wino te, opozery wino, aomiry etãko matose õkae xine, ynara ãko: “Oesemary zaenato seny; seroae ytotoko.”

Izaja 35:8

Moroto osema konõto nae exĩko, tosehpase “Ritonõpo Kurã Esemaryme.” Moro ae popyra ehtoh poko exiketõ ytopyra exĩko, Ritonõpo poetory tõ moro osema ae ytõko mã toto. Tuamekaro exiketõ moro ae aytorykohtao tahpyra exĩko mã toto.

Jeremia 14:22

Imehnõ nonory põkõ neponãmarykõ emero konopo onenehposaromepyra mã toto; tamoreme kapu tuna onemasaromepyra mana nono pona. Oeraximãko ynanase Ritonõpo yna Esemy, omoro rokẽ morohne riry waro oexiryke.”

Jeremia 42:3

Oturuko Ritonõpo Oesemy a yna esemary enepotohme zae rokẽ yna ytotohme, zae ehtoh poko rokẽ yna ehtohme roropa.

Jeremia 6:16

Ynara tykase Ritonõpo Kuesẽkõ typoetory tomo a: — Xikihme ehtoko osema tõ atakuohtohpo osema kurã enetohme. Osema kurã nymyry enetupuhtoko moro ae oytotohkõme torẽtyke pyra oehtohkõme, tykase. Yrome tozuhse eya xine: — Ytopyra ynanase moro osema ae!

Joeu 2:23

“Atãkyematoko, Jerusarẽ põkomo, ywy, Ritonõpo Oesẽkõ, nyrihpyry imehxo ehtoh pokoino. Konopo ekaroase oya xine zae konopo oehtoh po, ikonopotatoh po te, eina exisasaka ahtao roropa, konopo itamurume, osemazuhme ehtopõpyry samo.

Mikeja 4:2

Ynara ãko mã toto: “Ehmaropa onuhse ypy pona Ritonõpo esary pona, Ritonõpo Tapyĩ taka, Izyraeu tõ Esemy a. Kuamorepatorỹko mana zae ehtoh poko kuehtohkõme; Inyripohpyry omipona exĩko sytatose. Ynara exiryke, Kuamorepatohkõ Ritonõpo poko Jerusarẽ poe oehnõko mana; ypy Xião poe typoetory tõ netaryme oturũko mana.”

Mateu 22:16

Mame typoetory tõ taropose eya xine Jezu a, Erote epe tõ maro. Ynara tykase toto Jezu a: — Zae rokẽ yna amorepãko mase. Awaro ynanase. Ritonõpo omiry poko yna amorepãko mase. Torẽtyke pyra roropa mase opoko. Okerekeremaryhtao imehnomo a oty kara mase. Oenery poko roropa imehnomo a oty kara mase.

1 Samueu 12:23

Mame ywy otara ãko ha? Oturukehpyra ase Ritonõpo a opoko xine. Iirypyryme jexiry oturupyra jahtao opoko xine. Moro waro Ritonõpo mana. Naeroro ãmorepatorỹko ase oesemarykõ kurã poko, zae ehtoh poko, enara.