1 Tuisa 4:32 - Ritonõpo Omiry: A Bíblia Sagrada na língua Aparai do Brasil

³² Aomihpyry tuaro ehtoh tymerose eya 3 miume, eremiatoh tyrise roropa eya miu motye.

1 Tuisa 4:32 ပူးပေါင်းရင်းမြစ်များ

1 Tuisa 4:33

Tõturuse roropa ynororo wewe poko, apupari poko Ripano po te, otyro tõkehko poko ahtãko pata apuru tõ po; tõturuse roropa onokyro tõ poko te, torõ tõ poko, nono poro ytoketõ poko te, kana roropa, enara.

Porowepio 10:1

Saromão omihpyry sero: Tuaro ahno mũkuru ahtao, tãkye tumy rĩko mana, yrome putupyra exiketyme imũkuru ahtao atasamãko jẽ mana.

Porowepio 25:1

Sero imehnõ Saromão nekarotyã tuaro ehtoh poko. Tymenekase mã kehko, tymeropose roropa tuisa Ezekia a, Juta tõ esemy, typoetory tomo a.

Ekereziaxti 12:12

Aimo, ynara kary se ro ase oya: pape tõ onymerokehpyra mã toto; itamurumehxo ãtamoreparyhtao etaehnõko opuhpyry mana.

Ekereziaxti 12:9

Yrome mokyro oturukety, tuaro exiryke imehnõ anamorepakehpyra nexiase tuaro ehtoh poko. Tãtamorepase ynororo, tuaro exiketõ omihpyry tonese tyya exiryke. Mame morohne atakenaka tyrise eya, tuhke.

Mateu 13:35

Morarame urutõ kõ omihpyry ae ro Jezu kynexine. Ynara kynexine urutõ kõ omihpyry pake: “Osenetupuhtoh ke toto amorepãko ase, tyorõ poko toto zurũko ase. Moro poko zuaro exipitopyra mã toto moino ro, sero nono ritopõpyry poe ro. Yrome morohne poko toto amorepãko ase,” tykase urutõ kõ pake Ritonõpo omiryme.