1 Tuisa 22:49 - Ritonõpo Omiry: A Bíblia Sagrada na língua Aparai do Brasil

⁴⁹ Tuisa Josapa a wapu tõ konõto tyripose Opia pona ytotohme uuru enehse. Yrome toetoromase toto Eziõ-Kepea po. Ytopyra tokurehse toto.

1 Tuisa 22:49 ပူးပေါင်းရင်းမြစ်များ

1 Tuisa 10:22

Wapu tõ nae Saromão kynexine, Hirão wapu tõ maro ytoketomo. Oseruao jeimamyry taropose ahtao ikanary wapu tõ tooehse ropa ahtao, uuru tonehse, parata, maafim, arimi tomo, meku tomo, enara.

1 Tuisa 22:48

Mame Etõ nonory põkõ tutuisaryke pyra toh kynexine. Juta tõ tuisary nymenekahpyry rokẽ toto kowenatume kynexine.

1 Tuisa 22:50

Moromeĩpo tuisa Akazia, Akape mũkuhpyry, typoetory tõ aropory se kynexine Josapa poetory tõ maro wapu tõ ae. Yrome ise pyra Josapa kynexine.

1 Tuisa 9:26

Wapu tõ roropa tyripose Saromão a Eziõ-Kepea po Erate pũto, tuna Akapa ehpio, Etõ nonory po.

1 Tuisa 9:27

Wapu poko tuaro exiketõ taropose tuisa Hirão a, Saromão poetory akorehmatohme.

1 Tuisa 9:28

Tuna poro wapu ae toytose toto Opia pona. Uuru tonehse ropa Saromão a 14 miu kirume motye.

2 Koronika 20:35

Tuisa Josapa, Juta tõ esemy, osepeme toehse tuisa Akazia, Izyraeu tõ esẽ maro. Yrome itamurume Akazia nyrityã popyra kynexine.

Saumu 48:8

Ritonõpo nyrityã poko totase yna a, seromaroro ynanenease Kuesẽkõ nyrihpyry typatary ao, Ritonõpo Jamihmehxo Exikety. Jũme typatary ewomãko mana.