1 Tuisa 20:26 - Ritonõpo Omiry: A Bíblia Sagrada na língua Aparai do Brasil

²⁶ Mame toiro jeimamyry taropose ahtao typoetory tõ soutatu tõ tonehpose eya oximõme toto ytotohme Apeka pona, etonatohme Izyraeu tõ maro.

1 Tuisa 20:26 ပူးပေါင်းရင်းမြစ်များ

2 Samueu 11:1

Morarame otyro arykatoh toehse ahtao, tuisa tõ toytory se ahtao topetõkara maro osetapase, Joape tonyohse Tawi a Izyraeu soutatu tõ maro porehme. Mame amonita tõ typoremãkase eya xine te, pata Rapa tomyehmase roropa eya xine. Yrome Tawi tehme nexiase Jerusarẽ po.

1 Tuisa 20:22

Mame ynara tykase urutono tuisa Akape a: — Ytoko ropa. Ajamihtatoko ropa soutatu tõ maro. Atamorepako tomeseke samo. Ynara exiryke, taroino toiro jeimamyry taropose ahtao Xiria tuisary oehnõko ropa mana etonase ropa kymaro xine.

1 Tuisa 20:25

Mame soutatu tõ enehpoko oximõme, tuhke, apitoryme amaro aexityã tuhke ehtopõpyry samo, kawaru tõ maro, kahu tõ maro, apitoryme tuhke toto exiry samo. Osetapãko sytatose Izyraeu tõ maro ona po. Mame toto poremãkapõko sytatose rahkene, tykase toto. Mame tuisa Pẽ-Hatate ỹme toehse kynexine. Morara tyrise eya mokaro omihpyry ae ro.

1 Tuisa 20:30

Mame Xiria tõ akoĩpyry toepase toto Apeka pona. Moro tao pata apuru toepukase 27 miumãkõ pona. Pẽ-Hatate roropa toepase pata pona. Tõtonẽse ynororo osa ao tapyi tao.

2 Tuisa 13:17

— Osenuhmatoh apuruhmakako Xiria nonory wino, tykase. Tapuruhmakase ahtao tuisa a, ynara tykase Eriseu eya: — Pyrou ke tusarah kaxiko! tykase. Mame tusarah tykase ahtao eya, ynara tykase Eriseu eya: — Omoro mase Ritonõpo pyreme. Pyrou sã aaropõko Ritonõpo mana Xiria tõ poremãkapose. Osetapãko mase Xiria tõ maro pata Apeka po, toto poremãkatoh pona.

Jozue 13:4

ikurenaka te, kananeu tõ nonory emero, Meara maro (xitonio tõ nonoryme) Apeka pona, amoreu tõ nonory ehpio po.

Jozue 19:30

Uma te, Apeka te, Reope, enara. Atapona pata tõ kynexine 22me, pata tõ pisarara roropa morohne zomye kynexine.

Juize 1:31

Imehnõ pata tõ põkõ anaropopyra Asea tõ kynexine: Ako põkomo te, Xitõ põkomo te, Arape põkomo te, Akazipe põkomo te, Heupa põkomo te, Apeka põkomo te, Reope põkomo, enara.

1 Samueu 29:1

Mame pirixteu tõ soutatu tõ tõximõse Apeka po. Morararo Izyraeu tõ tõsesarise tuna enatyry pũtokoxi, jakanahmã Jezereu po.

1 Samueu 4:1

Moromeĩpo Izyraeu tõ toytose osetapase pirixteu tõ maro. Tõsesarise Izyraeu tõ soutatu tomo Epeneze po. Morararo pirixteu soutatu tõ tõsesarise Apeka po nexiase toto.