1 Tuisa 20:14 - Ritonõpo Omiry: A Bíblia Sagrada na língua Aparai do Brasil

¹⁴ — Onoky soutatu tõ arõko nae? tykase Akape. Tozuhse ynororo urutono a, ynara tykase: — Ritonõpo ynara ãko: “Soutatu tõ nuasemãkõ morara rĩko, tosẽkõ kowenatu tõ maro,” tykase. — Onoky imoihmãkõ soutatu tõ arõko nae? tykase, tõturupose tuisa. — Omoro, tuisa, tykase urutono.

1 Tuisa 20:14 ပူးပေါင်းရင်းမြစ်များ

1 Tuisa 18:44

Mame 7mã po tooehse ropa ahtao, ynara tykase ynororo: — Akuru pitiko eneno onuhnõko tuna epoe, zumo pyra ahno emary sã rokene, tykase. Ynara tykase Eria eya: — Ytoko tuisa Akape a. Zuruta aotyritohme kahu aka aytotohme tytapyĩ taka, konopo a mokyro akorekehkaryino, tykase.

1 Tuisa 20:13

Morarame Ritonõpo poe urutõ toytose tuisa Akape a. Ynara tykase: — Ynara ãko Ritonõpo mana: “Enaromyra exiko mokaro imoihmãkõ soutatu tõ eneryke oya. Seroae ãkorehmatorỹko ase toto poremãkapory poko oya xine. Mame zuaro exĩko matose, Ywy ase Ritonõpo,” tykase.

1 Tuisa 20:15

Naeroro soutatu tõ nuasemãkõ tykohmase tuisa a kowenatu tõ maro; 232me toh kynexine. Mame Izyraeu tõ soutatu tõ tykohmase eya; 7 miumãkõ kynexine.

1 Tuisa 20:17

Nuasemãkõ toytose osemazuhme. Tonese toto enenanomo a, Pẽ-Hatate poetory tomo a. Tosẽkõ turuse eya xine soutatu tõ tũtary poko Samaria poe.

1 Samueu 17:50

Mame tytapemake pyra toexiryke toytose Tawi tururume Koria pona. Itapemã tapoise eya ẽ ae, zupuhpyry tyhkohse eya itapemanỹpyry ke ro. Moro ke Koria typoremãkase Tawi a, parateira ke topu maro. Moro eneryke tyya xine, topekõ pirixteu orẽpyrahxo exikety etapatopõpyry eneryke tyya xine typoremãse toto. Toepase toto tururume.