1 Tuisa 20:10 - Ritonõpo Omiry: A Bíblia Sagrada na língua Aparai do Brasil

¹⁰ Pẽ-Hatate poe omi taropose ropa: — Soutatu tõ enehnõko ase tuhke apatarykõ enahkase. Tomary ke apatarykõ nonory aroryhtao eya xine pata tonahsẽme exĩko mana. Jetapapory se ase ritõ tomo a, morara onyripyra jahtao, tykase.

1 Tuisa 20:10 ပူးပေါင်းရင်းမြစ်များ

1 Tuisa 19:2

Mame omi taropose nohpo a Eria a. Ynara tykase ynororo: — Jetapapory se hano ritõ komo a, kokoro serara ahtao oetapara jahtao, urutõ kõ etapatopõpyry sã oya, tykase.

1 Tuisa 2:23

Morarame tomiase Ritonõpo netaryme Saromão, ynara tykase: — Atonia onetapara jahtao Ritonõpo a juãnopyry se ase moro tokaropose exiryke eya.

1 Tuisa 20:9

Naeroro ynara tykase Akape, Pẽ-Hatate omiry enehnanomo a: — Ynara kahtoko jesemy a: “Tuisa, onekaropohpyry poko apitoryme ỹme exiase. Yrome seromaroro onekaropohpyry poko, ỹme ehsaromepyra ase,” tykase. Mokaro, omi aronanõ toytose ropa. Mame tooehse ropa toto ezuhtoh enehse

2 Tuisa 18:24

Yna poetory esemy, putupyra exiketyme ahtao ro, omotye xine kuhse mana. Morara ahtao ro Ejitu tõ eraximãko matose kawaru tõ enehtohme kahu tõ maro!

2 Tuisa 6:31

— Kuetapako, Ritonõpo, Eriseu zupuhpyry onykohpopyra jahtao seroae ro, tykase tuisa tykohtase.

Exutu 11:8

Etyhpyryme ynara tykase Moeze: — Opoetory tõ esã emero jupĩko mã toto, tosekumuru po porohnõko mã toto jẽpataka, “Ajohpãme sã ytotoko taroino. Izyraeu tõ aroko porehme,” ãko mã toto. Moromeĩpo ytõko ase. Tutũtase Moeze tohne tuisa oturutoh poe.

Jeremia 46:17

Ejitu esẽ esehpatoko sero esety kasenato ke: ‘Panaikato ke epyrypakety, tokurehse exikety.’

Jeremia 9:23

Ynara ãko Ritonõpo mana: — Tuaro exiketomo, epyrypara ehtoko tuaro oehtohkõ poko, jamihme exiketomo, epyrypara ehtoko ajamitunurukõ poko, tymõkomoke exiketomo, epyrypara ehtoko tytineruke oehtohkõ poko.

Atos 23:12

Morarame yrokokoro juteu tõ oximõme toehse Pauru etapary se exiketomo. — Otuhpyra sehtone, eukuru onẽpyra roropa sehtone Pauru etapatoh ponãmero kyya xine, tykase toto.

Juize 4:10

Moroto Zepurõ tõ orutua kõ tonehpose Parake a, Napatari tõ maro Ketese pona. 10 miumãkõ tõximõse toto imaro toytotohkõme. Tepora roropa toytose imaro.

1 Samueu 17:43

ynara tykase: — Otyme kure moro wewe nae? Oekyme kaikuxi jekarõko ma? Ya oehnõko ma wewe ke ypipohtohme? Omi xihpyry ke tykerekeremase Tawi eya. — Popyra oripõko ase pirixteu tõ neponãmary a, tykase Koria.