1 Tuisa 2:22 - Ritonõpo Omiry: A Bíblia Sagrada na língua Aparai do Brasil

²² — Oty katohme Apisake ekaropõko mah ekarotohme Atonia a? tykase Saromão. — Tuisame aehtoh ekaropoko roropa. Uruime ynororo, Apiataa, Ritonõpo maro oturukety te, Joape roropa imaro mã toto!

1 Tuisa 2:22 ပူးပေါင်းရင်းမြစ်များ

2 Samueu 12:8

Tuisame kyriase Sauu myakãme. Ipytỹpyã ekaroase roropa oya. Izyraeu tõ esẽme kyriase, Juta esẽme roropa. Morohne pitiko ro ahtao oya, itamurumehxo ekarory roropa oya.

2 Samueu 16:21

Ynara tykase Aitopeu: — Omy pyxiã poko exiko, mokaro tynomose eya tytapyĩ konõto eraseme toto ehtohme. Morara ahtao Izyraeu tõ emero zuaro exĩko omy epeme pyra oexiry poko. Mame amaro exiketõ atãkyemãko mã toto, tykase.

1 Tuisa 1:11

Mame toytose Natã oturuse Pate-Sepa, Saromão ẽ maro. Ynara tykase ynororo: — Zuaro make? Atonia, Hakite mũkuru toexiry se tuisame. Tuisa Tawi zuaro pyra mana.

1 Tuisa 2:15

Mame ynara tykase Atonia: — Zuaro mase, Papa myakãme tuisame jahtao zae exiry repe. Izyraeu tõ emero tuisame jexiry eraximãko toh nexiase. Yrome tyoro toehse. Jakorony tuisame toehse, tyriry se Ritonõpo exiryke.

1 Koronika 3:2

mame Apisarão, Maaka mũkurume. Maaka, Taumai ẽxiry kynexine Kesua tuisary ẽxiry; mame Atonia, Hakite mũkurume;

1 Koronika 3:5

Tuhke toemũkuase ynororo moroto. Ipyty Pate-Sepa, Amieu ẽxiry maro toemũkuase 4me: Samua te, Sopape te, Natã te, Saromão, enara.

Mateu 20:22

Mame ynara tykase Jezu eya: — Onekaropohpyry waro pyra matose, jokuru ẽsasaka ase. Jokuru enyry se roropa matohu? tykase Jezu eya xine. — Ỹ, enyry se ynanase, tykase toto.

Maku 10:38

Yrome ynara tykase Jezu eya xine: — Õtururukõ waro pyra matose. Oetuarimarykõ se hmatou ysahmo? Oorikyrykõ se roropa hmatou ymahro? tykase ynororo eya xine.

Tiaku 4:3

Mame Ritonõpo a ekaroporyhtao oya xine anapoipyra ro matose, Ritonõpo omipona se pyra oexirykõke, openetatohkõ se rokẽ oexirykõke. Morara awahtao xine azahkuru matose.