1 Tuisa 18:43 - Ritonõpo Omiry: A Bíblia Sagrada na língua Aparai do Brasil

⁴³ Mame takorehmane a ynara tykase ynororo: — Ytoko, osenuhmata tuna konõto wino, tykase. Toytose ynororo. Mame tooehse ropa: — Arypyra kynako. Onenepyra akene, tykase. Morararo takorehmane taropozomose ropa 7me osenuhmase.

1 Tuisa 18:43 ပူးပေါင်းရင်းမြစ်များ

Jenexi 32:26

— Kurumekakoh jepe! Ẽmehnõko nase, tykase mokyro Jako a. — Arypyra, orumekara ase kure jyripopyra ro awahtao, tykase Jako.

1 Tuisa 18:42

Morarame toytose Akape ahtao otuhse, Eria tõnuhse ypy Karameru emory pona. Moroto toepuise ynororo nono pokoxi zupuhpyry tosekumuru po.

1 Tuisa 18:44

Mame 7mã po tooehse ropa ahtao, ynara tykase ynororo: — Akuru pitiko eneno onuhnõko tuna epoe, zumo pyra ahno emary sã rokene, tykase. Ynara tykase Eria eya: — Ytoko tuisa Akape a. Zuruta aotyritohme kahu aka aytotohme tytapyĩ taka, konopo a mokyro akorekehkaryino, tykase.

2 Tuisa 4:35

Mame towõse Eriseu, toytoytose ynororo nyhtoh tao. Mame toytose ropa imihme ehtohme ropa poeto pona. Mame atiu tykase poeto, atiu tykazomose 7me, mame tonuru totapuruhmakase, tõsenuhmase ynororo.

Saumu 5:3

Pakeimo ẽmepyryhtao jomiry etãko mase; xixi tũtapitoryhtao, oturũko ase oya, mame jezuhtoh eraximãko ase oya.

Apakuke 2:3

Sero enepotoh oehpyra ro mana, yrome morohne exĩko sero etyhpyry po, ekurehpyra mã rahkene. Okynahxo oehpyra ahtao eraximatoko. Ynara exiryke moro enepotoh toehse ahtao morohne exĩko mã rahkene.

Ruka 18:1

Mame typoetory tõ tamorepase Jezu a toto osenetupuhtohme tõtururukõ poko Ritonõpo maro. Ynara tykase ynororo eya xine: — Ritonõpo maro oturukehpyra ehtoko. Penekehpyra ehtoko õtururukõ poko Ritonõpo a, tykase ynororo eya xine.

Ruka 18:7

Mokyro motye kuhse mã Ritonõpo. Tynymenekatyã omiry etãko mana. Toto mỹpõko roropa mana kokoro rokẽ toto otururuke tyya, pakeimo, koko, enara. Ekurehpyra mana typoetory akorehmary poko.

Epezu 6:18

Morohne poko ehtoko emero õtururukohtao Ritonõpo maro. Oturutoko Ritonõpo a, ãkorehmatohkõme. Emero rokẽ ahtao oturutoko Ritonõpo maro Zuzenu nekarory poko. Naeroro tuaro ehtoko. Poremãpyra ehtoko roropa. Ritonõpo poetory poko oturukehpyra ehtoko.

Jozue 6:4

Osemazuhme, kaxo, Ritonõpo omiry ẽ esemazupurume ytõko mana. Mame 7me oturuketõ rue arõko mã toto, kaneru retyry risemy. Morararo 7me aẽmehtoh ae ytõko matose, soutatu tõ maro pata zomyehmase 7 pune. Mame rue etõko oturuketõ mana.