1 Tuisa 18:27 - Ritonõpo Omiry: A Bíblia Sagrada na língua Aparai do Brasil

²⁷ Morarame tãxiahtao toehse ahtao tounohpitose toto Eria a. Ynara tykase ynororo: — Oturutoko myatokohxo rahkene, ritõme aexiryke! Otarame tỹpokõke roropa mana, otarame toytose ynororo wekase, morara exiryke oetara xine mana. Otarame toytose ynororo mõtohme. Otarame nyhnõko mana, naeroro typakary se mana, tykase Eria.

1 Tuisa 18:27 ပူးပေါင်းရင်းမြစ်များ

1 Tuisa 18:26

Pui tapoise Paau poetory tomo a, totapase eya xine, tysahkase, apotopokõ pona mokyro tyrise roropa eya xine, mame tosẽkomo a apoto tokaropose eya xine repe, pakeimo poe tãxiahtao pona. — Yna omiry etako, Paau, tykase. Yrome ezuhtoh onetara toh kynexine, mõtohxo kara. Tuapitose toto tynyrihpyrykõ apoto apõ zomye repe. Yrome apoto otukara nexiase kaino.

1 Tuisa 18:28

Morara exiryke Paau urutõ kõ tõturuse myatokohxo, torẽtyke sã toexirykõke. Tõtokotokose toto tytapemãkõ ke tyratõkõ ke roropa; tumũtase toto tõmirykõ ezuhtohme tynyrihpyrykomo a. Morara tyrise eya xine repe.

1 Tuisa 22:15

Mame toeporehkase Mikaia ahtao tuisa tõ ẽpataka, ynara tykase Akape eya: — Mikaia, tuisa Josapa ymaro zuaro se ynanase. Zae yna ytory etonase Ramote põkõ maro? Zae pyra hnae? tykase. — Ytoko etonase, mokaro poremãkapõko mase. Orẽpyra orĩko Ritonõpo mana.

2 Koronika 25:8

Otarame mokaro maro jamihmehxo osekarõko mase repe. Yrome Ritonõpo poe oporemãkapõko oepetõkara mana. Ritonõpo jamitunuru ke orẽpyra kyritorỹko mana ise tahtao te, kyporemãkapotorỹko mana ise tahtao.

Saumu 121:4

Izyraeu tõ pyno exikety pimỹme exipyra mana, nyhpyra roropa mana.

Saumu 39:3

torẽtyke toehse ywy ukurohtao. Itamurumehxo jemynyhmaryhtao itamurumehxo ataosanumãko exiase. Mame tõturupopitose ywy:

Saumu 44:23

Ritonõpo, apakako! Oty katoh nyhnõko mah? Owõko! Yna onurumekara exiko, jũme.

Ekereziaxti 11:9

Nuasemãkomo, oryximãkõ roropa, atãkyematoko poetome ro awahtao xine. Ise oehtohkõ tyritoko, openetatohkõ okurohtao xine. Yrome ynara wenikehpyra ehtoko: ãpiakatorỹko Ritonõpo mana onyrihpyrykõ poko emero porehme.

Izaja 41:23

Kahtoko yna a, otara exĩko nae taroino? Zuaro yna ehtohme ritõme nymyry oehtohkõ poko! Kurãkõ riry se awahtao xine tyritoko, popyra ehtoh riry se awahtao xine roropa, enaromỹke yna ehtohme, yna osenuruhkatohme roropa!

Izaja 51:9

Apakako Ritonõpo, yna akorehmako! Ajamitunuru ke yna ipynanohko, onyrihpyry sã pake ahtao, yna tamuru tõ isene ahtao. Oya ihpory Raape tysahsahkase tuna konõto kuao, mokyro totapase oya.

Ezekieu 20:39

Ynara ãko Ritonõpo Imehxo Exikety Izyraeu tomo a: — Imenekatoko, jomiry omipona se pyra awahtao xine, oneponãmarykõ poko ehtoko! Yrome oenaroximapotorỹko ase: imeĩpo jomiry omipona oripotorỹko ase; oneponãmarykõ oneahmara exĩko matose jũme atapuropyra jehtohme.

Mateu 26:45

Mame toeramase ropa ynororo typoetory tomo a. Ynara tykase ynororo: — Nyhnõko ro matohu? Oseremãko matohu? Enetoko ke. Kapu ae Ayhtohpyry ewokatoh po toehse nase. Seromaroro iirypyrymãkomo a osekarõko mana.

Maku 14:41

Morotoino oseruao toeramatoh toehse ahtao ynara tykase Jezu typoetory tomo a: — Nyhnõko ro matou? Nyhpyra ehtoko, imeĩpo onyhtohkõme. Seromaroro jewokãko toh mana, yzehnotokomo.

Maku 7:9

Ritonõpo nyripohpyry myakamãko matose atamurukõ namorepatopõpyry ke.